Ana səhifə / Cəmiyyət / AzTV-nin ofşor şirkətləri ilə mübhəm əlaqələri… – Alışanovla bağlı yeni iddialar

AzTV-nin ofşor şirkətləri ilə mübhəm əlaqələri… – Alışanovla bağlı yeni iddialar

Keçmiş nəqliyyat naziri Ziya Məmmədovun xarici şirkətlərlə şişirdilmiş qiymətlərlə müqavilə bağlaması barədə ABŞ qəzetlərində çap olunmuş araşdırmalardan sonra ölkədə bir çoxlarını təşvişə salıb.

Dövlətin milyonlarla vəsaitini mənimsəmiş bəzi qurumların rəhbərləri apardıqları qanunsuz maliyyə əməliyyatlarının izlərini itirməyə çalışırlar.

24saat.org saytının  AzTV-dən aldığı məlumata görə, son günlər sədr Arif Alışanov da təlaş içində bu problemi həll etməyə girişib.Xəbər verilir ki, AzTV-nin son on bir ildə dövlətdən aldığı 704 milyon manat vəsaitin təxminən 158 milyonu əsasən naməlum xarici şirkətlər vasitəsilə “xərclənib”.

Mənbənin verdiyi məlumata görə, A.Alışanov belə faktların detallı şəkildə üzə çıxmaması üçün xüsusi elçiləri vasitəsilə Maliyyə Nazirliyinin və Hesablama Palatasının saytlarında AzTV-nin maliyyə əməliyyatları ilə bağlı məlumatları sildirməyə çalışır.Maliyyəçi sədrin ən ciddi problemi isə Satınalamalar üzrə Dövlət Agentliyinin müsabiqə reyestrləri bazasındakı məlumatlarla bağlıdır.

Alışanovun son 5-6 ildəki alqı-satqılarının siyahısı və ofşor şirkətləri ilə apardığı əməliyyatlar barədə əsas bilgilər, məhz bu məlumat bazasındadır.

Həmin bazadakı məlumatlara görə, AzTV son illərdə Bırləşmış Ərəb Əmirlikləri (BƏƏ), Meksika, hətta İndoneziya şirkətlərindən teleradio avadanlığı alıb.

Qəribə burasıdır ki, həmin şirkətlərin çoxu AzTV ilə 6-7 milyon dollarlıq alqı-satqı aparandan sonra yoxa çıxıblar.

Məsələn, telekanal 2011-ci ildə avadanlıq almaq üçün ayrılmış 6,6 milyonvəsaitin 1 milyon 144 min manatına Vircinya adalarında qeydiyyatdan keçmiş, amma adicə veb-saytı belə olmayan “Broadcast Premium Solutions Ltd”dən guya virtual studiya, 3G şəbəkə sistemi, videokasetlər və s. alıb. Nə baş veribsə, bu “uğurlu” əməliyyatdan az sonra həmin şirkət yoxa çıxıb.

satınalamalar üzrə Dövlət Agentliyinin 2011-ci il müsabiqə reyestrindən çıxarış

satınalamalar üzrə Dövlət Agentliyinin 2011-ci il müsabiqə reyestrindən çıxarış

Alışanovun videokaset üçün 972 689 manat verdiyi podratçı “Quattro Technologies İnc” şirkəti də müəmmalı şəkildə eyni taleni yaşayıb. Yaxud “Sandler Expert Limited”, guya Yeni Zelandiyada yerləşən bir şirkətdir.Opencorporates.comsaytında 2008-ci ildə yaradıldığı, 6 iyul 2011-ci ildə bağlandığı göstərilir. Şirkət Alışanovla 296 000 dollarlıq sövdələşmədən sonra ləğv olunub. AzTV-dəki mənbə sonuncu qurumdan faktiki olaraq heç nə alınmadığını və belə yalançı şirkətlərin yalnız pulların nağdlaşdırılması məqsədi ilə yaradıldığını bildirir.

Satınalamalar üzrə Dövlət Agentliyinin 2011-ci il müsabiqə reyestrindən çıxarış

Satınalamalar üzrə Dövlət Agentliyinin 2011-ci il müsabiqə reyestrindən çıxarış

Verilən məlumata görə hazırda A.Alışanov BƏƏ-nin ofşor zonalarındakı ticari işlərə aidiyyatı olmayan “Polygon…”, “Gentech Fze” və adı heç bir axtarış sistemində çıxmayan “Rubicon General Trading LLC” şirkətləri ilə apardığı maliyyə əməliyyatları barədə baza məlumatlarını sildirməyə çalışır.

Satınalamalar üzrə Dövlət Agentliyinin 2012-ci il müsabiqə reyestrindən çıxarış

Satınalamalar üzrə Dövlət Agentliyinin 2012-ci il müsabiqə reyestrindən çıxarış

(Reyestr- 2012–Faylı yükləmək üçün üzərinə sıxın )

Həmçinin oxuyun

Təcrübəsiz adamlar necə direktor olur? – “Dostluq, qohumluq əlaqələri…”

Son vaxtlar məktəb və kollec direktorlarının fəaliyyətində nöqsan aşkarlanması və bu səbəbdən həmin vəzifəli şəxslərin …

Bir cavab yazın