Cümə axşamı , Mart 28 2024
Ana səhifə / Cəmiyyət / “Azərxalça”nın rəhbərliyinə müvəqqəti təyinat

“Azərxalça”nın rəhbərliyinə müvəqqəti təyinat

“Azərxalça” ASC-nin İdarə Heyətinin bu il yanvarın 9-da həbs edilmiş, yanvarın 10-da isə vəzifəsindən azad edilmiş sədri Vidadi Muradovun yerinə müvəqqəti təyinat olub.
“Report” xəbər verir ki, səhmdar cəmiyyətinə rəhbərlik sədr müavini İslam Qurbanova həvalə edilib.
O, dövlət şirkətinin rəhbərliyində 21 iyun 2016-cı il tarixindən təmsil olunur.
Xatırladaq ki, “Azərxalça” ölkə Prezidentinin 5 may 2016-cı il tarixli sərəncamı ilə yaradılıb, Nazirlər Kabinetinin 4 oktyabr 2016-cı il tarixli qərarı ilə onun nizamnaməsi və strukturu təsdiq edilib.
Nizamnamə kapitalı 15 milyon manat olan Cəmiyyətin əsas vəzifəsi xalça və xalça məmulatlarının istehsalı, ixracı, onların ölkə daxilində və xaricdə satışının təşkili, xalça və xalça məmulatlarının istehsalında yeni texnologiyaların tətbiqi, maddi-texniki bazanın müasirləşdirilməsi və ondan səmərəli istifadə, habelə bu sahənin inkişafı ilə bağlı digər işlərin yerinə yetirilməsindən ibarətdir.

Həmçinin oxuyun

Bakı meriyasında müşavirə keçirilib, bu şəxsə şiddətli töhmət verilib

Bakı Şəhər İcra Hakimiyyətində martın 26-da Binəqədi rayonunda qadının liftin qapıları arasında qalaraq ölməsi faktı …