Mayın 5-i Azərbaycanın İctimai Televiziyası “Görünməyən düşmən” adlı film yayımlayacaq.
Film dünyada baş verən koronavirus pandemiyasına həsr olunub.
Burada bir sıra məşhur azərbaycanlıların mövcud vəziyyətlə bağlı fikirləri, həmçinin həkimlərin karantin dövründə nə edəcəyimiz barədə tövsiyələri yer alacaq.
Sənədli filmdə həmçinin koronavirusla mübarizə aparan tibb işçiləri xəstəliyə yoluxan pasiyentlərin simptomları haqqında danışacaqlar.
Qeyd etmək lazımdır ki, film çərçivəsində Azərbaycanda koronavirus pandemiyasının qarşısının alınması istiqamətində atılan uğurlu addımlar da işıqlandırılıb.