Azinforum.az İnformasiya Portalı Onlayn Xəbər Portalı
Azərbaycanda müzakirələrə səbəb olacaq qısametrajlı film “İkinci güllə” təqdim olunub. “Qafqazinfo” xəbər verir ki, Natiq Rəsulun rejissorluq etdiyi ekran işində ucqar kəndlərin birində toy gecəsində baş verən əhvalatdan bəhs edilib.
Zifaf gecəsi ilə bağlı sakinləri məlumatlandırmaq üçün kənddə “iki güllə” adətindən istifadə edildiyi göstərilib. Qeyd olunur ki, birinci güllə bəyə görə, ikinci güllə isə gəlinin bakirəliyini təsdiqləmək üçün atılır.
Lakin filmdə silahda texniki problemə görə ikinci güllənin acılmadığı göstərilib. Bu səbəbdən də gəlin toy gecəsi kənd əhalisinin qınağından qorxaraq intihar edib.
Qeyd edək ki, ssenari Azərbaycan Respublikası Kinematoqrafçılar İttifaqının elan etdiyi “Yeni nəfəs” müsabiqəsinin qalibi olub və bu əsasla film çəkilib.
