27 noyabr 2019-cu il tarixində Nizami Rayon İcra Hakimiyyətinin başçısı Arif Qasımov tərəfindən 109 №-li tam orta məktəbdə Naxçıvanski küçəsi 3, 5, 9, 11, K.Balakişiyev küçəsi 46a, 46, M.Abbasov küçəsi 41, 43 ünvanlarda yaşayan sakinlərlə növbəti səyyar qəbul-görüş keçirilib.
Azinforum.az xəbər verir ki, səyyar qəbulda Rayon İcra Hakimiyyəti başçısı aparatının məsul işçiləri, 3 №-li sahə inzibati ərazi dairəsi üzrə nümayəndəliyin əməkdaşları, rayonun xidmət sahələrinin rəhbərləri və sakinlər iştirak ediblər.
Vətəndaşların müraciətləri əsasən məhəllədəki ağacların budanması, dam örtüklərinin və kanalizasiya sisteminin təmiri, küçə işıqlarının bərpası, məhəllədaxili yolların asfaltlanması və s. məsələlərlə bağlı olub.
Səyyar qəbulda sakinlər tərəfindən qaldırılan məsələlər rayon rəhbəri tərəfindən dinlənilərək sakinlərə müvafiq izahatlar verilib, mövcud problemlərin həlli üçün əlaqədar qurum və təşkilat rəhbərlərinə yerindəcə tapşırıqlar verilib və onların həlli nəzarətə götürülüb.
Həmçinin oxuyun
Abel Məhərrəmov məhkəməyə verildi
Bakı Dövlət Universitetinin (BDU) keçmiş rektoru akademik Abel Məhərrəmov məhkəməyə verilib. İddiaçı Nazim Fərrux oğlu Əmirovdur. …