Cümə axşamı , Mart 28 2024
Ana səhifə / Cəmiyyət / 68 yaşlı Məzahir Pənahovun da istefa verəcəyi gözlənilir…

68 yaşlı Məzahir Pənahovun da istefa verəcəyi gözlənilir…

Ölkədə aparılan kadr islahatları, uzun müddət eyni vəzifədə qalan və həmçinin pensiya yaşı keçmiş məmurların vəzifədən uzaqlaşdırılması prosesi davam edir.

“Yeni Sabah”ın əldə etdiyi məlumata görə bu proses ölkədə seçki komissiyalarını da əhatə edəcək.

Məlumata görə, ilk addımın Mərkəzi Seçki Komisiyasının sədri, 68 yaşlı Məzahir Pənahovun atacağı gözlənilir. 2000-ci ildən, 19 ildir ki, MSK-nın sədri olan M. Pənahovun yaxın vaxtlarda istefa ərizəsini Milli Məclisə təqdim edəcəyi söylənilir. 

MSK-da hakim Yeni Azərbaycan Partiyasını təmsil edən Pənahov Azərbaycanda iki vəzifə tutan məmurlardan biridir. O, paralel olaraq Bakı Dövlət Universitetinin ümumi fizika kafedrasının müdiri vəzifəsini daşıyır.

Bildirək ki, prosedura görə MSK üzvlərini Milli Məclis parlamentdə təmsil olunan çoxluq, bitərəflər və azlıqda olan partiyaların irəli sürdüyü namizədlər əsasında formalaşdırır. Pənahovun istefasından sonra YAP yeni namizəd irəli sürəcək və ya qurumdakı əvəzedici üzv partiyanın yeni təmsilçisi kimi təsdiq olunacaq. 

MSK-ya rəhbərliyin isə hazırda qurumun üzvü olan Hüseyn Paşayevə həvalə olunacağı ehtimal edilir.

Həmçinin oxuyun

Bakı meriyasında müşavirə keçirilib, bu şəxsə şiddətli töhmət verilib

Bakı Şəhər İcra Hakimiyyətində martın 26-da Binəqədi rayonunda qadının liftin qapıları arasında qalaraq ölməsi faktı …