Cümə axşamı , Dekabr 2 2021
Ana səhifə / Cəmiyyət / “Zəfər” zirvəsinə “Dəmir yumruq” ekspedisiyası təşkil olunub – VİDEO

“Zəfər” zirvəsinə “Dəmir yumruq” ekspedisiyası təşkil olunub – VİDEO

Hərbi Hava Qüvvələrinin (HHQ) bir qrup hərbi qulluqçusunun, “Qartal” Dağçılıq İdman Klubunun alpinistlərinin və “Baku TV”-nin əməkdaşlarının iştirakı ilə Vətən müharibəsinin ildönümünə həsr olunmuş “Dəmir yumruq” ekspedisiyası keçirilib.

Müdafiə Nazirliyindən verilən məlumata görə, əvvəlcə Şəhidlər xiyabanları ziyarət olunaraq şəhidlərimizin məzarları üzərinə gül dəstələri qoyulub və xatirələri ehtiramla yad edilib.

Polkovnik-leytenant Zal Nəbiyevin və klubun rəhbəri Rüfət Qocayevin başçılıq etdiyi bir qrup alpinistlər Quba rayonu ərazisindəki “Zəfər” zirvəsinə yürüş edib.

Dəniz səviyyəsindən 4301 metr yüksəklikdə Böyük Qafqaz sıra dağlarının Bazardüzü massivində yerləşən “Zəfər” zirvəsinə qalxan alpinistlər, burada Azərbaycan Respublikasının Dövlət himnini ifa edib və Vətən müharibəsində həlak olmuş şəhidlərimizin əziz xatirəsini bir dəqiqəlik sükutla yad ediblər.

Həmçinin oxuyun

Məşhur restoranda ölən şəxs Nazirlər Kabinetinin şöbə müdiri imiş

Nazirlər Kabinetinin sabiq şöbə müdiri vəfat edib. Belə ki, vaxtilə Nazirlər Kabinetinin Kənd təsərrüfatı şöbəsinin …