Parlament seçkiləri ilə bağlı rəsmi təbliğata start verilməsə də, artıq iddialar ortaya qoyulmağa başlayıb. Azinforum.az-ın müşahidələrinə görə, hətta tərəfdarların bir-birinə qarşı qara piara əl atdığı da nəzərə çarpır. Son günlər bəzi KİV-lərdə Beynəlxalq Diaspor Mərkəzinin sədri İsmayıl Ağayevin də seçkilərdə iştirak edəcəyinə dair informasiyaların yayılmasına rast gəlinir. Onun 60 saylı Salyan-Neftçala seçki dairəsindən namizədliyini irəli sürüləcəyi bildirilir.
Diqqət çəkən məqamlardan biri İsmayıl Ağayevə yaxınlığı ilə seçilən yəhudi əsilli iş adamı Aleksander Şapiro-Sülimanın Facebook səhifəsində paylaşdığı sənəddi. Yəhudi əsilli iş adamı İsmayıla Ağayev barədə qara piar aparanlara sərt ultimatum verərək yazır: “BDM sədrinin namizədliyi ətrafında anti-təbliğat aparanlara tutarlı sənəd təqdim edirik”.
Azinforum.az qeyd edir ki, yaranan narahatçılıq İsmayıl Ağayevin məhkumluğunun olması ilə bağlıdır. Lakin Şapironun paylaşdığı sənəddən görünür ki, BDM sədrinin məhkumluğu tam ödənilib və onun seçkili orqanlarda təmsil olunmaqla bağlı heç bir problemi yoxdur.
Azinforum.az həmin sənədi təqdim edir.
Rövşən ƏLİ,
AZİNFORUM.AZ