Şənbə , Dekabr 5 2020
Ana səhifə / Cəmiyyət / Valideynlər çətin durumda: iş dəftəri alınmalıdır, ya yox?!

Valideynlər çətin durumda: iş dəftəri alınmalıdır, ya yox?!

Məktəblilərin iş dəftərlərini alması könüllü xarakter daşıyır.

Bunu Sputnik Azərbaycan-a AR Təhsil Nazirliyindən bildiriblər. Qeyd edilib ki, iş dəftərləri dərsliklərlə paralel şəkildə istifadə üçün nəzərdə tutulan əlavə vəsaitdir və ondan istifadə məcburi xarakter daşımır.

Nazirlikdən bildirilər ki, dövlət ümumtəhsil müəssisələrində məktəblilər pulsuz dərsliklərlə təchiz edilir. O dərsliklərdə adi dəftərlərdə həll edərək dərs proqramını tamamilə mənimsəməyin mümkün olduğu kifayət qədər tapşırıq var. Lakin dərsliklərin hazırlandığı nəşriyyatlar həmçinin onların məzmununa uyğun olan iş dəftərlərini də dərc edir və onları azad satışa buraxır.

Nazirliyin ekspertinin dediyinə görə, bu, tamamilə təbii və azad prosesdir. Buna görə də, Nazirlik ona müdaxilə etmir və iş dəftərlərinin alınması ilə bağlı konkret tələb qoymur.

Bununla belə, valideynlər hər il iş dəftərlərinin alınması ilə bağlı narazılıqlarını dilə gətirirlər. İş dəftərləri təkcə “Rus dili” və “Riyaziyyat” kimi fənnlərə əlavə kimi deyil, eləcə də digər fənlərə də əlavə olaraq çap edilir. Baxmayaraq ki, məktəblər dərslikləri uşaqlara pulsuz verir, dərs ili yeni başlayanda qalan zəruri məktəb ləvazımatlarını yenə də valideynlər pulla almalı olur. Yeni dərs ilində iş dəftərlərini də almaq zərurəti yaranır. Bir çox hallarda bu əlavə ləvazımatların hamısına birlikdə 100 manatdan çox pul xərcləmək lazım gəlir. Bir çox hallarda bu, imkansız ailələrin büdcəsini aşır.

Yeri gəlmişkən, əlavə vəsaitlərə 100-150 manat ödənilməsi barədə deyilənlər tamamilə realdır. Misal üçün təkcə ikinci sinif şagirdlərinə 10 dərslik verirlər. Bir iş dəftərinin qiyməti 6 manatdan yuxarıdır. İldən-ilə məktəb ləvazımatlarının sayı artır. Əlavə olaraq pedaqoqlar fənn üzrə testləri və əlavə ədəbiyyatı da almağı tapşırırlar. Misal üçün, rus bölmələrində təhsil alan şagirdlər rus ədəbiyyatını da almalıdırlar.

Amma elə hallar da olur ki, pedaqoqlar tamamilə iş dəftərlərindən istifadədən imtina edirlər. Belə olan təqdirdə də valideynlər yenidən narazılıq edirlər ki, niyə iş dəftərləri üzərində iş aparılmır.

Eyni zamanda, paytaxt məktəblərinin direktorlarından biri (tutduğu postla əlaqədar olaraq adının açıqlanmamasını xahiş edib- red.) iş dəftərlərinə ehtiyac duyulğunu ifadə edib. Onun sözlərinə görə, bu vəsait lazımlıdır və pedaqoqun və uşağın əməyini yüngülləşdirməyə xidmət edir. İş dəftrələrində bir çox tapşırıqlar artıq yazılmış olur. Təkcə qalır məsələləri həll etmək. İş dəftərindən istifadə eyni zamanda tədris prosesini sürətləndirir. Bundan əlavə, orada müəllim üçün əlavə materiallar var. Lakin iş dəftərlərinin pulsuz yayımı təmin edilmir. Buna görə nazirlik onları satın almağı məcbur edə bilməz.

“Əgər valideynlər öz uşaqlarının gələcəyini, onun təhsilini düşünürlərsə, iş dəftəri eynilə kontur xəritə kimi lazımlıdır” — deyə direktor bildirir. Onun fikrincə, əgər iş dəftərindən düzgün istifadə olunsa, şagirdin bilikləri dəfələrlə artacaq. Sadəcə, pedaqoqlar bu vəsaitdən düzgün istifadə edə bilmirlər, valideynlər və uşaqlar isə ümumiyyətlə başa düşmürlər ki, bu, onların nəyinə lazımdır. Amma yaxşı müəllim bu vəsaitlərin köməyilə elə dərs prosesindəcə uğura nail ola bilər.

Direktor onu da əlavə edib ki, dövlət uşaqları pulsuz müəllim və təhsillə təmin edir. Qalan şeyləri — karandaşlardan tutmuş qlobuslara qədər valideynlər özləri almalıdır. Eləcə də internetə giriş əldə etməlidirlər ki, uşaqlar bundan dəsrlərə hazırlaşarkən istifadə edə bilsin. İnternetin imkanlarından istifadə etmədən, xüsusilə yuxarı sinif şagirdləri geri qala bilərlər.

Həmçinin oxuyun

Qarabağ qazisinin bu videosu hər kəsi kövrəltdi (VİDEO)

Birinci Qarabağ müharibəsinin iştirakçısı Qəmbərov Rauf Rəfi oğlunun Qarabağın işğaldan azad olunması ilə bağlı hərbi …