Cümə axşamı , İyun 20 2019
Ana səhifə / Cəmiyyət / “Vətəndaşlar Prezidentdən hazır ev istəyirlər” – Zeynal Nağdəliyev

“Vətəndaşlar Prezidentdən hazır ev istəyirlər” – Zeynal Nağdəliyev

“Hər bir dövlət qulluqçusunun qarşısında vəzifə qoyulub ki, vətəndaşlar arasında olsunlar. Azərbaycan Prezidenti İlham Əliyevin bölgələrə səfərlərində, o cümlədən Şamaxı və Ağsuda zəlzələdən zərər çəkmiş insanların problemləri ilə maraqlanması bunun bariz nümunəsidir”.

Bu fikirləri Azərbaycan Respublikası Prezidentinin ərazi-təşkilat məsələləri üzrə köməkçisi Zeynal Nağdəliyev bildirib. 

Prezident Administrasiyasının rəsmisi Şamaxı və Ağsuda əhali tərəfindən dövlətimizin başçısına təqdim olunan məktublarla bağlı məlumat verib. Deyib ki, Şamaxıda və Ağsuda əhali ilə keçirilən görüşlərdə dövlətimizin başçısına təqdim olunan məktubların hamısı nəzarətə götürülüb. 

“Bir dənə də olsun məktub və şifahi müraciət diqqətdən kənarda qalmayacaq. Həmin məktubların mütləq əksəriyyətində yeni evlər istənilir. Ölkəmizdə həyata keçirilən sosial siyasətin nəticəsidir ki, müraciət edən vətəndaşlar dövlətimizin başçısından hazır ev istəyirlər. Dünyanın heç bir yerində belə təcrübə yoxdur, evlər sığortalanır, dövlət bu qayğıdan kənarda qalır. Amma Azərbaycan bu siyasətlə də öndədir. Çünki Prezidentimizin dediyi kimi, dövlət siyasətinin mərkəzində Azərbaycan vətəndaşı dayanır”, -deyə Z.Nağdəliyev bildirib. 

Prezidentin köməkçisi qeyd edib ki, digər məktublar isə iş problemi və sosial qayğı ilə bağlıdır. Onların hər biri ciddi nəzarətə götürülüb. (AzərTAc)

Həmçinin oxuyun

“Restoranda ofisiant işləyirdim…”- Muğam müsabiqəsinin qalibi…

Yeddinci Televiziya Muğam Müsabiqəsinin qaliblərindən biri də gənc ifaçı Faiq Əkbərovdur. F.Əkbərov müsabiqədə üçüncü yerə …