Çərşənbə axşamı , Yanvar 19 2021
Ana səhifə / Cəmiyyət / Tbilisidə azərbaycanlılarla polis arasında toqquşma oldu

Tbilisidə azərbaycanlılarla polis arasında toqquşma oldu

Tbilisi yaxınlığında yerləşən Kvemo Poniçala qəsəbəsində xüsusi əməliyyat keçirilib.

Nəticədə narkotik vasitələrin qanunsuz dövriyyəsində şübhəli bilinən 3 şəxs saxlanılıb.

Saxlanılanlar 1 qadın və onun 2 oğlu olmaqla Ələskərovlar ailəsinin üzvləridir.

Ələskərovlara məxsus avtomobildə narkotik vasitələrin olduğu bir neçə bağlama aşkar olunub.

Qonşuların sözlərinə görə, qadın küçədə, oğulları isə evdə bir neçə saat axtarışdan sonra saxlanılıblar. Qəsəbə sakinləri və xüsusi təyinatlı polis əməkdaşları arasında kiçik qarşıdurma yaranıb. Qonşular polis maşınlarının hərəkətinə mane olmaq məqsədilə yolu bağlamağa cəhd ediblər.

Gürcüstan Daxili İşlər Nazirliyi xüsusi əməliyyatın detalları barədə hələlik məlumat vermir.

Faktla bağlı cinayət işi açılıb, istintaq aparılır. (Report)

Həmçinin oxuyun

“Şuşada Vaqifin heykəlini tapa bimədim” – Şöbə müdiri

“Şuşa tarixi abidələr şəhəridir. 39 ildən sonra ölkə başçımızın məhz yanvarın 14-də Şuşaya getməsi və …