Bazar ertəsi , Dekabr 4 2023
Ana səhifə / Cəmiyyət / Tanınmış vəkil avtomobilini sürmək hüququndan məhrum edilib

Tanınmış vəkil avtomobilini sürmək hüququndan məhrum edilib

“Sürücülük vəsiqəmin 6 noyabr tarixində bitən müddətini uzatmaq üçün sağlamlıq haqqında arayış almaq lazımdır.

Məlum oldu ki, Sumqayıtın harasında yaşamaqdan asılı olmayaraq, bu arayış üçün ancaq “Ailə Sağlamlıq Mərkəzi” adlı poliklinikaya müraciət etmək lazımdır. 

Nə üçün insanlar yaşadıqları ərazidəki poliklinikada bu arayışı almaq hüququndan məhrum olunublar?”

Bu sözləri tanınmış hüquqşünas Əsabəli Mustafayev sosial şəbəkə hesabında yazıb. O, sürücülük vəsiqəsinin vaxtını artırmaq üçün lazım olan tibbi arayışı almaqdan ötrü günlərlə vaxt itirdiyini qeyd edib: 

“Qeyd edilən poliklinika şəhərin ucqar ərazisində, köhnə, dəhlizləri darısqal binada yerləşir. Həmin əraziyə az sayda marşrut avtobusu gedir. Qısası, ayın 4-də poliklinikaya getdim, müayinə üçün tələb olunan 50 manatı ödədim. Müayinələr üçün göndəriş verilən otaqın qarşısında çoxlu sayda insanlar növbə gözləyirdi.

Məlum oldu ki, kompyuterdə problem yaranıb və ustalar çağırılıb. Bir neçə saatdan sonra göndərişləri alanda məlum oldu ki, artıq həkimlər evlərinə dağlışıblar. Bazar ertəsi tezdən gəldim, 2-3 həkim müayinəsindən (1-2 dəqiqləlik qəbula müayinə demək olarsa) keçdim. Hər həkimə o qədər növbə vardı ki, keçdiyim müaniyələrdən sonra məlum oldu ki, həkimlərin iş günü qutarıb. Bu həkimlərin çoxu qrafiklə işləyir, yəni ya səhərdən günartaya qədər, ya da günortadan axşama qədər.

Lakin qapıların heç birinin üzərində həkimin iş qrafiki yazılmayıb. Ona görə də həkimləri soraqlaşmalı, dəfələrlə qapılarını döyməli olurduq. Növbədə çərləyən insanlar da bir-birini sözlə zəhərləməklə bu xaosda özlərinə təsəlli verirdilər. Nəhayət bu gün qalan müayinələri yekunlaşdıra bildim. Tələsik qayıtdım göndəriş verilən otağa ki, onu təhvil verib əvəzində arayış alım. Qapıda ən azı 15 nəfər gözləyirdi, ən pisi də iş günün sona yaxınlaşması idi (çünki bu gün də onlar üçün qısa iş günü sayılırdı).Bu arayışla ASAN xidmətə gedib, orada qısa müddətə yeni sürücülük vəsiqəsi ala bilərdim”. 

Vəkil poliklinikada sistemin nasazlığı üzündən arayışı ala bilmədiyi üçün avtomobilindən bir neçə gün istifadə hüququnu itirib: 

“Məlum oldu ki, yenə sistem işləmir və hamıya bildirdilər ki, arayış üçün ayın 10-da gəlməliyik. Beləliklə də, mən ayın 10-a qədər mülkiyyətimdə olan avtomaşından istifadə hüququndan məhrum edildim. Dəhşətlisi odur ki, adi texniki məsələni təşkil edə bilməyən belə bir quruma millətin həyatı və sağlamlığı həvalə olunub”. 

O, Səhiyyə Nazirliyinin qaynar xətti kimi göstərilən nömrəyə zəng etdikdə, nömrənin müəyyən olunmadığını da qeyd edib. 

Cebhe.info

Həmçinin oxuyun

Samirə Bağırova: “Hər qız evinin xanımı olmaq, evində çılpaq gəzmək istəyir..”

Bir neçə gündür, aparıcı Xoşqədəm Hidayətqızının ARB TV-də yayımlanan “Səni axtarıram” verilişində ortaya atılan gəlin-qaynana …