Süleyman Mikayılov tanınmış hərəkatçının sərt ittihamına tuş gəldi – “Oğul ona deyərəm ki…”

Milli Azadlıq Hərəkatının tanınmış liderlərindən olan, keçmiş siyasi məhbus Fərəməz Allahverdiyev Azinforum.az saytına Qaradağın icra başçısı Süleyman Mikayılov barədə qısa fikir bildirib.  Tanınmış siyasətçi deyib ki, Azinforum.az saytında  təqdim olunan “Süleyman Mikayılov Qaradağı şəxsi mülkünə çevirib!” başlıqlı yazını oxuyandan sonra fikir söyləmək qərarına gəlib:

“Mən deyirəm ki,  yaxşı tanıdığım  bu adamın, “duxu” çatırsa, gedib otursun Şuşada – Qarabağı şəxsi mülkünə çevirsin! Bizim kənddəki qonşumuz Semanın (Süleyman Quliyev) oğlu Mürsəl müəllimin də əlinə özündən yekə səlahiyyət verib Lökbatanda oturtsan, o da oranı şəxsi mülkünə çevirə bilər. Oğul ona deyərəm ki, “Qaradağ”dakı “d” hərfini “b” hərfi ilə əvəz edib özəlləşdirsin. O zaman o adamın bütün neqativliklərini bağışlamaq olar – Semanın əziz ruhu haqqı…”

Azinforum.az