Ana səhifə / Cəmiyyət / Şeyx Əbdül Rasim Balayevin təyinatı haqda: “İşləyə bilməsə, “əlvida” deyiləcək”

Şeyx Əbdül Rasim Balayevin təyinatı haqda: “İşləyə bilməsə, “əlvida” deyiləcək”

“Konfrans keçdi, birlik baş tutdu, Balayev də sədr seçildi. Əslində ittifaqlar birləşsə də, kino cameəsinin adamlar eynidir. Sadəcə olaraq, münaqişə ortadan götürüldü”.

Bunu Bakupost.az-a açıqlamasında Xalq artisti, kinorejissor Şeyx Əbdül Mahmudbəyli bildirib.

Rasim Balayevin sədr seçilməsinə münasibətini açıqlayan Ə.Mahmudbəyli bu dəfə konfransda qaydaların fərqli şəkildə müəyyən olunduğuna diqqət çəkib:

“Konfransa İttifaqın İdarə Heyəti, Ağsaqqallar Şurası yaradıldı. Kim işləyə bilməyəcəksə, inşallah, ona “əlvida” deyiləcək. Kino sahəsində dəyişiklik olub-olmayacağına gəlincə, ittifaq ictimai təşkilatdır, onun kino çəkilişinə heç bir aidiyyatı yoxdur”.

Ə.Mahmudbəyli konfransda ona namizədliyinin irəli sürülməsinin təklif olunduğunu da bildirib:

“Mənə təklif etdilər. Amma dedim ki, yarımçıq ssenarim, yarimçıq çəkildiyim rol var, gedirəm onları yoluna qoymağa.Bir də ki qocalıram, 80 yaşım var. Ona görə də imtina etdim”.

Həmçinin oxuyun

Oqtay Əsədovun həyat yoldaşı son bir ildə Moskvada 14 milyon qazanıb

Milli Məclisin sabiq sədri və hazırda millət vəkili olan Oqtay Əsədovun həyat yoldaşı Zemfira Əsədovaya …