85 saylı Şamaxı seçki dairəsində namizədlər arasında sağlam rəqabətin aparılmasına imkan vermirlər.
Bu barədə məlumatı Avropa.info-ya Şamaxı rayon sakinləri verib. Bildirilir ki, Şamaxıda rayon icra hakimiyyəti millət vəkili Elxan Süleymanovun təbliğatına böyük dəstək verir. Qeyd edək ki, Elxan Süleymanov hazırda namizəd kimi seçkiyə qatılıb və həmin dairədən son seçilən deputatdır. Bizə verilən məlumatda həmçinin bildirilir ki, iki gündür Elxan Süleymanovun seçki platformasını özündə əks etdirən bukletlər Şamaxının bütün kəndlərində icra nümayəndələri tərəfindən paylanılır: “Sakinlərə gizli yollarla Elxan Süleymanova səs verməyə dair tapşırıqlar verilir”.
Qeyd edək ki, Şamaxıda 63 məntəqə, 41117 seçici var . 10 məntəqə rayonun özündə, 53 məntəqə isə kəndlərindədir.
Avropa.info