Çərşənbə , Sentyabr 23 2020
Ana səhifə / Cəmiyyət / Sərin meşə, bulaq başı, göy çəmən… – Piknik neçəyə başa gəlir?

Sərin meşə, bulaq başı, göy çəmən… – Piknik neçəyə başa gəlir?

Koronavirus pandemiyası səyahət etməyi sevən insanların əhval-ruhiyyəsinə maraqlı düzəlişlər edib.

Yenisabah.az xəbər verir ki, turizm sahəsində fəaliyyət göstərən mehmanxanaların, hotellərin, ictimai iaşə müəssisələrinin fəaliyyətindəki məhdudiyyətlərə görə, bir çoxları təbiət qoynunda dincəlməyə üstünlük verirlər. Bu baxımdan insanlar tərəfindən çadırlar, yataq çantaları, piknik üçün masalar və digər oxşar malların alınması xeyli artıb.

Maraqlıdır, bir ailənin piknik etməsi üçün nə qədər vəsait lazımdır?

Qiymətlərlə tanış olmaq üçün bir neçə marketə baş çəkdik və bir ailənin bir neçə saatlıq istirahətdə istifadə edəcəyi məhsulların qiymətini öyrəndik. Məsələn, pomidorun ortalama qiyməti 60, xiyarın qiyməti isə 50 qəpikdir, əgər ailə dörd nəfərdirsə, hər iki məhsuldan bir kiloqram yəqin ki, kifayət edər. 

İki təndir çörəyi üçün 1.20 manat ödəmək lazımdır. Kolbasanın bir rulonun qiyməti keyfiyyətindən asılı olaraq minimum 7-10 manat civarındadır. Yarım kiloqram Bərdə pendiri isə 3 manata başa gəlir. Əgər ailə ağzının dadını dəyişmək istəsə, minimum 2 kiloqram quzu əti almalı olacaq ki, bu da təxminən 26 manat edir. Quzu kababının yanında badımcan və bibər kababı da pis olmaz. Bunun üçün isə cəmi 1 manat xərcləmək kifayət edir. 

Piknikdə spirtli içki əvəzinə meyvə şirəsinə üstünlük verilərsə, 3-4 manat xərcləmək lazım gələcək. Meşədə kabab çəkib, samovar qaynatmaq üçün münasib yer kirayələmək üçün azı 20 manat ödəniş etmək şərtdir. Bu isə o deməkdir ki, bir ailənin günlük istirahəti üçün yol xərci nəzərə alınmadan minimum 60-70 manat vəsaitə ehtiyac var.

Məncə, dəyər. Nahaq deməyiblər ki, bir günün bəyliyi də bəylikdir…

Həmçinin oxuyun

Dərsliklərdəki biabırçı səhvlər – məsuliyyəti kim daşıyır?

Artıq bir neçə gündür ki, sosial şəbəkələrdə dərsliklərlə bağlı narazılıqlar yaranıb. Amma bu, Azərbaycanda ilk …