Çərşənbə axşamı , Avqust 3 2021
Ana səhifə / Cəmiyyət / Ruslan Əliyev: “İldə 150-200 min sayğac metal qəbulu məntəqələrinə təhvil verilir”

Ruslan Əliyev: “İldə 150-200 min sayğac metal qəbulu məntəqələrinə təhvil verilir”

“Azəriqaz” İstehsalat Birliyinin baş direktoru Ruslan Əliyev sosial şəbəkələrdə metal qəbulu məntəqələrinə təhvil verilən sayğaclarla bağlı videogörüntüyə münasibət bildirib.

R.Əliyev bu barədə özünün feysbukdakı hesabında yazıb.

“Paylaşılan bu videoda qeyri-adi heç nə yoxdur. Həm əvvəlcədən ödənişli, həm də sonradan ödənişli sayğacların istismar müddəti 15-20 ildir. Qaz sayğacının mexaniki və elektron hissəsi var. İstismar olunduqca sayğacın mexaniki hissəsi sıradan çıxır və onlar metal qəbulu məntəqələrinə təhvil verilir. Məsələn, “Azəriqaz” İstehsalat Birliyinin 2 milyon 400 minə yaxın əhali abonenti var. Bu qədər abonentin istifadəsində olan qaz sayğaclarının dövlət yoxlanış prosesi aparılarkən (əhali abonentləri üzrə 5 ildən bir) heç də ölçü qurğularının hamısı yararlı çıxmır. İldə 150-200 min sayğac yararsız olduğu üçün metal qəbulu məntəqələrinə təhvil verilir. Bu normal bir haldır. Yəni bundan hansısa şou düzəltməyə ehtiyac yoxdur”, – deyə İstehsalat Birliyinin qeyd edib.

Həmçinin oxuyun

Makedon Mədəniyyət Nazirliyini sərt TƏNQİD ETDİ: “Mənə qiymət verilmədi”

“Məni niyə kino günündə təbrik edirsiniz? Mənim axı kinoya aidiyyatım yoxdur! Kinoya aidiyyatım olsaydı ən …