Cümə axşamı , Dekabr 3 2020
Ana səhifə / Cəmiyyət / Rektor və oğlu haqda sensasion iddialar – Korrupsiya, rüşvət, qohumbazlıq…
?????????????

Rektor və oğlu haqda sensasion iddialar – Korrupsiya, rüşvət, qohumbazlıq…

Sabiq Rabitə və Yüksək Texnologiyalar naziri Əli Abbasovun yaxın dostu və tələbə yoldaşı, məhz sabiq nazirin xahişi ilə Azərbaycan Texnologiya Universitetinin rektoru olan Akif Süleymanovla bağlı Mia.az-a sensasion məlumat və fotolar göndərilib. 

Məlumat bir sıra xəbər portallarında yer aldığından qısa ixtidar və fotolarla təqdim edirik:

******

Bildirilir ki,  A. Süleymanov Əli Abbasovla tələbəlik illərində yataqxanada bir otaqda qalmaları, son tikələrini bölmələri və bu günə qədər də həmin münasibətləri saxlamaları barədə tez-tez fəxrlə danışır:

“Ədalət naminə qeyd edək ki, Akif Süleymanov Əli Abbasovun “etimadını” doğruldaraq qısa müddətdə universitetdə korrupsiyanın çiçəklənməsinə nail olmuş, dostunun dəst-xəttini uğurla inkişaf etdirmişdir. Belə ki, işlədiyi il yarım müddətdə (mart 2013-dekabr 2015) 3.000.000 (üç milyon) manatdan artıq vəsaiti mənimsəmişdir. (Bu mənimsəmə əməliyyatlarında Rabitə və Yüksək Texnologiyalar Nazirliyi ilə aparılmış əməliyyatlar da var).

A. Süleymanovun rektorluğu dövründə tədris işində ciddi nöqsanlar yaranmağa başladı, korrupsiya halları daha da genişləndi.

A.Süleymanovun üç katibəsindən biri – Mətanət Əhmədova Elmi Katib vəzifəsini tutmaqla yanaşı, “İnzibati idarəetmə”kafedrasında 0,5 ştat müəllim, Elmi-tədqiqat laboratoriyasında 0,5 ştat elmi işçi (cəmi iki ştat), Könül Məmmədova isə “Dillər” kafedrasında tam ştat baş müəllim, Tədris şöbəsində 0,5 ştat “metodist” maaşı alırlar.

Universitetin maliyyə vəsaitləri talanır. 2015-ci il fevral ayının 24-dən AR Maliyyə Nazirliyinin əməkdaşları tərəfindən maliyyə-təsərrüfat fəaliyyətinin yoxlanmağa başlanması ilə universitetdə baş vermiş maliyyə fırıldaqları ortaya çıxdı. Yoxlama zamanı ciddi maliyyə pozuntuları və külli miqdarda (3.000.000 manat) mənimsənilmə faktı aşkarlandı. Vəziyyəti belə görən rektor A.Süleymanov dostu Əli Abbasodan kömək istədi. Dostu da öz köməyini əsirgəmədi. Belə ki, Əli Abbasov Maliyyə Nazirliyindəki dostlarından tələbə yoldaşına kömək etmələrini xahiş edərək məbləğin azaldılması və 1.300.000 (bir milyon üç yüz min) göstərilməsinə nail oldu. Məbləğin tam ləğv edilmədiyini görən Akif Süleymanov üç günlük müayinə adı ilə “aradan çıxdı”. Onun “Yox olmasına” baxmayaraq yoxlamanın nəticələrinə əsasən korrupsiya faktı ilə bağlı AR Baş Prokurorluğu yanında Korrupsiya ilə Mübarizə Baş İdarəsində cinayət işi qaldırılıb və istintaq aparılır.

Bütün bunlardan sonra rektor 05 avqust 2015-ci il tarixdə universitetdə peyda oldu və Təhsil nazirindən sadəcə töhmət alaraq rektor səlahiyyətlərinin icrasına başladı. Bu “başlama” da süleymanovsayağı start götürdü, yəni rektorluğa Akif və Şamil Süleymanovlar birgə başladı. Əli Abbsovun dəstəyi ilə oğul Şamil Süleymanov sözün həqiqi mənasında universitetdə at oynatmağa başladı. Özünü təhsil naziri Mikayıl Cabbarovun səlahiyyətli nümayəndəsi və nazir Əli Abbasovun yaxını kimi təqdim edən oğul Süleymanov təhsil müəssisəsinə 10 LL 123 dövlət nömrə nişanlı, “Land Kruizer” markalı avtomobillə daxil olaraq özünü qoçu kimi aparır, müəllim kollektivini aşağılamaq üçün qeyri-etik ifadələr işlədirdi.

Süleymanovların fəaliyyətinin ilk mərhələsi Akif müəllimə xüsusi mühafizə dəstəsi formalaşdırmaqdan ibarət oldu.

Daha sonra Əli Abbasovun köməyi ilə Akif Süleymanovun korrupsiya əməllərini ört-basdır etmək məqsədilə “öz ərizələri ilə işdən çıxmış” dekanların yerinə “seçki” keçirmək üçün elan verildi. Elna əsasən elmi adı və elmi dərəcəsi olan iddiaçıların müsabiqədə iştirakı nəzərdə tutulsa da, A.Süleymanov bütün mövcud qanunverici bazanın (AR TN-nin 09 mart 2011-ci il tarixli 400 saylı əmri ilə təsdiq olunmuş əsasnamə) tələblərini pozaraq elmi adı, elmi dərəcəsi, elmi-pedaqoji stajı, kollektivdə nüfuzu olmayan, ixtisası fakultələrin profilinə uyğun gəlməyən və kollektivin tanımadığı şəxsləri, oğlunun “abi” dostlarını dekan “seçdi”.

Süleymanov universitetin maliyyə vəsaitlərini talamaq üçün yeni metod “kəşf edib”. Özünün professor elmi adı olmadığı halda üç ildir professor maaşı aldığı kimi, yeni komandasının üzvlərinə də qeyri-qanuni olaraq malik olmadığı elmi adlara görə maaş verir. Bundan başqa, oğlunun dostlarına universitetin büdcəsindən vəzifə maaşlarından əlavə 2000-3000 manat “əlavə əmək haqqı” verilməsi barədə 223 saylı əmr (surəti əlavə olunur) imzalayır və həmin maaşı alanlar bu məbləğin bir hissəsini A.Süleymanova qaytarırlar.

A.Süleymanovun əsasən bu adamları – dosent Ə.Əlbəndov və onun oğlu Z.Əlbəndov, Elm şöbəsinin müdiri Qalibə Məmmədova, “Ekologiya” kafedrasının müdiri Elşad Məmmədov, “İnzibati idarəetmə” kafedrasının müdiri Fizuli Məmmədov, dosent Maarif Qarayev və b. qanunazidd olaraq iki ştat vahidi işlə mükafatlandırıb.

Yeni təyin olunmuş kadrlar isə milli maraqlarımıza zidd olan “nurçu” ideologiyanın açıq təbliğindən də çəkinmirlər. Uni versitetdə görulən bütün poliqrafiya işləri nurçulara məxsus olan “Nurlar” nəşriyyat-poliqrafiya mərkəzinə sifariş verilir. Şafinin kəlamı olan plakatların nəşri üçün adı çəkilən nəşriyyata universitetin büdcəsindən 7800 manat vəsait ödənilmişdir. Təmir işləri isə keçirilməyən “tenderə” əsasən Şamil Süleymanova və dostlarına məxsus firmalara “həvalə” edilir və pullar şişirdilərək silinir.

Universitetdə qaranlıq işlərə A.Süleymanovun qohumu və məsləhətçisi olan 78 yaşlı Rafael Maçanov rəhbərlik edir. O həm də məlumat yayırdı ki, Əli Abbasov və Mikayıl Cabbarov qohumumu dəstəkləyirlər.

Onu da qeyd edək ki, Akif Süleymanov çoxsaylı cangüdənlər tərəfindən elə qorunur ki, baş verənlər barədə ona yaxınlaşıb müraciət etmək müşkülə çevrilib. Həmin cangüdənlər Elmi Şuranın iclaslarında da onun yanında olurlar.

Əli Abbasovun işdən uzaqlaşdırılmasından sonra Ə.Süleymanovun qohumları (R.Maçanov, M.Əhmədova, R.Qasımov) onu Mikayıl Cabbarovun dəstəklədiyi barədə şayiəni dövriyyəyə buraxıblar. Qeyd olunan qanunazidd əməllərə görə tədbir görməli olan Təhsil Naziri həqiqətənmi A. Süleymanov və onun “nurçu” oğlunun əqidə yoldaşlarını dəstəkləyir?

Qeyd olunanların fakt kimi təsdiqlənməsi üçün Təhsil Nazirliyinin və müvafiq maliyyə qurumlarının yoxlama aparması kifayət edər.

Azərbaycan texnologiya universitetində bu məsələlərin aydınlaşması və aşağıdakı suallara cavab verilməsi üçün müvafiq strukturların məsələyə müdaxilə etməsi zəruridir.

Kolektiv üçün həm də maraqlıdır:

– Universitetdə korrupsiya işinə şəxsən rəhbərlik etmiş Akif Süleymanovun Təhsil nazirindən sadəcə töhmət alaraq, rektor kimi fəaliyyətini ailə üzvləri ilə birlikdə davam etdirməsinə və universitetin büdcəsini talamasına nə ad vermək olar?

–  Özünü nazir Mikayıl Cabbarovun yaxın dostu və səlahiyyətli nümayəndəsi kimi təqdim edən və idarə etdiyi 10 LL 123 dövlət nömrə nişanlı Toyota Land Kruiser markalı avtomobili ilə universitetin həyətində qoçuluq edən Şamil Süleymanova bu səlahiyyətlər həqiqətənmi Əli Abbasov və təhsil naziri tərəfindən verilib? Yaxud Akif Süleymanov universitetdə “Rektorun oğlu” adlı yeni vəzifə təsis edib?

– AMEA-nın həqiqi üzvləri 3000 manat maaş almadığı halda ATU-nun heç dosent elmi adı olmayan prorektorları və onların digər əlaltılarına Akif Süleymanov hansı maraqla belə yüksək məvacib verir?

– Universitetdə Təhsil Haqqında AR Qanunu və digər normativ aktların kobud surətdə pozulması hallarından, Süleymanovların və yeni təyin edilmiş səlahiyyət sahiblərinin özbaşınalıqlarından Təhsil naziri Mikayıl Cabbarovun və ölkə rəhbərliyinin xəbəri varmı?”.

Mia.az

Həmçinin oxuyun

Şuşanın işğaldan azad edilməsi xəbərini Prezidentə məruzə edən Lerikli

44 günlük Vətən müharibəsi neçə-neçə qəhrəmanı bizlərə tanıtdı, sevdirdi. Onlardan biri-Şuşanın azad edilməsi barədə Ali …

Bir cavab yazın