Şənbə , İyun 25 2022
Ana səhifə / Cəmiyyət / Ramiz Mehdiyevin özü, həyat yoldaşı, qızı və qudası hələ də AMEA-da yüksək vəzifə icra edirlər – FOTOFAKT

Ramiz Mehdiyevin özü, həyat yoldaşı, qızı və qudası hələ də AMEA-da yüksək vəzifə icra edirlər – FOTOFAKT

Məlum olduğu kimi, bu ilin fevral ayının 14-də Azərbaycan Milli Elmlər Akademiyasının (AMEA) Rəyasət Heyətinin iclasında qurumun prezidenti Ramiz Mehdiyevin istefa ərizəsi müzakirə olunub və qəbul edilib.

Ramiz Mehdiyevin istefa ərizəsinin qəbulundan 4 aya yaxın vaxt ötsə də, AMEA-nın rəsmi saytında sabiq prezidentin özünün və ailə üzvlərinin hələ də yüksək vəzifələr daşıdığı qeyd olunur.

Məlumat üçün bildirək ki, AMEA-nın rəsmi saytında yer alan məlumatlara görə Ramiz Mehdiyev hazırda Azərbaycan Respublikası Elmi Tədqiqatların Əlaqələndirilməsi Şurasının sədri vəzifəsini icra edir.

Bundan başqa Ramiz Mehdiyev həyat yoldaşı – riyaziyyat elmləri doktoru, professor Mehdiyeva Qalina Yuryevna hazırda AMEA İdarəetmə Sistemləri İnstitutunun nəzdində yaradılan “Kompüter elmləri” ixtisası dissertasiya şurasının sədri vəzifəsini icra edir.

Ramiz Mehdiyevin qızı – psixologiya elmləri doktoru, Bakı Dövlət Universitetinin Sosial və pedaqoji psixologiya kafedrasının müdiri Kamilə Ramiz qızı Əliyeva hazırda atasının sədrlik etdiyi Elmi Tədqiqatların Əlaqələndirilməsi Şurasının Psixologiya və sosiologiya üzrə elmi şurasının üzvüdür.

Ramiz Mehdiyevin kürəkənin qardaşı – Fikrət Əli Səftər oğlu Əliyev isə hazırda AMEA İşlər İdarəsi müdirininmüavini vəzifəsini icra edir.

Yeniavaz.com

Həmçinin oxuyun

1 saylı notariat-tərcümə kontorunda nələr baş verir..?

Yazıya giriş  olaraq onu qeyd edək ki,  hazırda  Azərbaycanda 155 notariat kontoru fəaliyyət göstərir. Onlardan …