Cümə axşamı , May 26 2022
Ana səhifə / Cəmiyyət / Putinə müraciət edən yazıçı Şərif Ağayarın qohumudur – Rəşad Məcid

Putinə müraciət edən yazıçı Şərif Ağayarın qohumudur – Rəşad Məcid

Xəbər verdiyimiz kimi, 500 rus yazıçı Ukraynadakı hərbi əməliyyatlarla bağlı müraciət yayımlayıb.

Onlar Rusiya prezidenti Vladimir Putini müdafiə edərək, hərbi əməliyyatların faşistlərə qarşı aparıldığını qeyd ediblər.
Həmin yazıçılar arasında azərbaycanlı Knyaz Qoçaq da var. O, Azərbaycan Yazıçılar Birliyinin üzvüdür.

Məsələ ilə bağlı Azərbaycan Yazıçılar Birliyinin sədr müavini, “525-ci qəzet”in baş redaktoru Rəşad Məcid Bakupost.az -a açıqlama verib.
O bildirib ki, Rusiya vətəndaşının müraciətə imza atmasının bu qədər qabardılması düzgün deyil:

“Sibirin Pıtyax şəhərində yaşayıb-yaradan, “Novaya Severnaya qazeta”da çalışan, Azərbaycan və eləcə də Rusiya Federasiyası Yazıçılar ittifaqlarının üzvü, Pıtyax şəhərinin fəxri vətəndaşı, Rusiya-Azərbaycan ədəbi əlaqələrinin inkişafındakı xidmətlərinə görə Rusiya Federasiyası Muxtar Dairəsinin Əməkdar mədəniyyət xadimi Knyaz Qoçaq Rusiya vətəndaşıdır.

Ona görə də Rusiya vətəndaşının müraciətə imza atmasının qabardılması düzgün deyil.

Knyaz Qoçaq rus ədəbiyyatından Azərbaycan dilinə tərcümələr edir. Ədəbi əlaqələrdə də fəal rolu olub. Azərbaycan Yazıçılar Birliyinin Rusiya bölməsi var və o bölmə Moskvada yerləşir. Onun rəhbərləri nisbətən tanınmış yazıçılardır və onların heç birinin bu müraciətdə adı yoxdur.

Knyaz Qoçaq da Sibirdə yaşayır, 500 yazıçının içərisinə azərbaycanlı adının düşməsi təəccüblü deyil.

Azərbaycan Yazıçılar Birliyinin sədri Anar Rzayev, üzvlər Çingiz Abdullayev, mən və digər katiblər də müharibənin əleyhinə sosial şəbəkələrdə fikirlər bildirmişik.

Heç kim Ukraynaya qarşı olan bu təcavüzü, müharibəni dəstəkləmir. İndi hansısa bir Rusiya vətəndaşının bir müraciətə imza atması və bunun qabardılmasını mən düzgün qəbul etmirəm. Burada qərəz var.
Mənim bildiyimə görə Knyaz Qoçaq Şərif Ağayarın həmkəndlisi və qohumudur. Şərif Ağayarla çox yaxındır. Ona görə də onun günahlarının hamısı Şərif Ağayarın üstünə düşür”.

Həmçinin oxuyun

9 min manata Həcc ziyarəti? – “QMİ məsələyə aydınlıq gətirməlidir“

Bu il Azərbaycana Həcc ziyarəti üçün 680 nəfərlik kvota ayrılıb. Həcc ziyarətinin qiyməti bir nəfərə …