Cümə axşamı , May 23 2024
Ana səhifə / Cəmiyyət / Onlar vəzifəsiz qaldı — Sabiq deputatın oğlu, prorektorun qardaşı…

Onlar vəzifəsiz qaldı — Sabiq deputatın oğlu, prorektorun qardaşı…

Xəbər verdiyimiz kimi, “Azərsu” Açıq Səhmdar Cəmiyyəti, “Azərbaycan Meliorasiya və Su Təsərrüfatı” Açıq Səhmdar Cəmiyyəti və Fövqəladə Hallar Nazirliyinin Su Ehtiyatları Dövlət Agentliyi ləğv edilərək, yerində Azərbaycan Dövlət Su Ehtiyatları Agentliyi yaradılıb. Agentliyin sədri isə “Meliorasiya və Su Təsərrüfatı”nın sədri Zaur Mikayılov təyin edilib. 

Qaynarinfo-nun məlumatına görə, FHN-nin Su Ehtiyatları Agentliyindən 3, “Azərsu”dan 5, “Meliorasiya və Su Təsərrüfatı” ASC-dən 2 əsas vəzifəli şəxs vəzifəsini itirib. 

Rafiq Sabir oğlu Aslanov – 2006-cı ildən “Azərbaycan Meliorasiya və Su Təsərrüfatı” ASC-nin sədr müavini olub. ASC-nin sabiq sədri Əhməd Əhmədzadənin əsas kadırlarından sayılır. 

Zakir Quliyev – 2006-cı ildən “Azərbaycan Meliorasiya və Su Təsərrüfatı” ASC-nin  sədr müavini olub. Sabiq sədr Əhməd Əhmədzadənin əsas kadırlarından sayılır. 

Teyyub Cabbarov, Etibar Məmmədov, Köçərli Həsənov, Seymur Seyidov, İlqar Tağıyev uzun illərdir “Azərsu” ASC-nin sədr müavinidirlər. Onların əksəriyyəti ASC-nin sabiq sədri Qorxmaz Hüseynovun əsas kadırlarından hesab olunur.

Hikmət Əhəd oğlu Məmmədov – Uzun illər hüquq mühafizə orqanlarında çalışmış, keçmiş polis işçisi 2021-ci ildən FHN Su Ehtiyatları Dövlət Agentliyinin rəisi vəzifəsində çalışır. 4 yanvar 1959-cu ildə Quba rayonunun Qonaqkənd qəsəbəsində anadan olub. Azərbaycan Dövlət Universitetinin tarix fakültəsini və DİN-nin Polis Akademiyasını bitirib.

Ruslan Çoban oğlu Ağamirzəyev – FHN Su Ehtiyatları Dövlət Agentliyinin rəis müavinidir. Əməkdar mühəndisdir. BDU-nun prorektoru Əliş Ağamirzəyevin qardaşıdır. 

Elxan Süleymanov – Ziya Süleymanov 

Ziya Elxan oğlu Süleymanov – 2021-ci ildən FHN Su Ehtiyatları Dövlət Agentliyinin rəis müavinidir. Milli Məclisin 2010-2020-ci illərdə deputatı, Azərbaycanın AŞPA-dakı nümayəndə heyətinin üzvü olmuş Elxan Süleymanovun oğludur. 

Həmçinin oxuyun

Tır sürücüləri: “Biz uçurumdan düşmüşük, hələ xəbərimiz yoxdur”

Tır sürücüləri bir araya toplanaraq haqsızlığa qarşı etiraz ediblər. Beynəlxalq yük daşıma ilə məşğul olan …