Bazar ertəsi , Oktyabr 26 2020
Ana səhifə / Cəmiyyət / Nuşirəvan Səfərov Məhkəməyə verildi – 1 hektarlıq torpaq davası

Nuşirəvan Səfərov Məhkəməyə verildi – 1 hektarlıq torpaq davası

Naftalan Sağlamlıq Mərkəzi Bakı şəhər Baş Polis İdarəsinin Dövlət Yol Polisi İdarəsini məhkəməyə verib.

Bu barədə AzNews.az-a mərkəzin rəhbəri Hikmət İbrahimov məlumat verib. İş adamının məhkəməyə müraciət etməsinə səbəb Dövlət Yol Polisi İdarəsinin Naftalan Sağlamlıq Mərkəzinin ərazisini zəbt etməsidir.

H.İbrahimov deyir ki, baş idarənin inzibati binası ilə mərkəz arasında olan boş torpaq sahəsini 2006-ci ildən 99 illik müqavilə ilə icarəyə götürüb.

Səbail bələdiyyəsi tərəfindən sağlamlıq mərkəzinə verilən təxminən 1 hektar əraziyə görə hər il müəyyən məbləğdə pul ödənilib. Lakin Bakı Şəhər Dövlət Yol Polis İdarəsi tərəfindən həmin əraziyə texnika yeridilib və avtodayanacaq yaradılması üçün hamarlama işlərinə başlanılıb.

Şikayətçinin sözlərinə görə, hamarlama zamanı Naftalan Sağlamlıq Mərkəzinin əməkdaşları tərəfindən əkilən onlarla ağac torpaq qatının altında qalıb. Baş idarəyə müraciət etdiyini deyən mərkəzin rəhbəri onlardan sənəd tələb edib, amma işlərin aparılması üçün idarə rəhbərliyi Hikmət İbrahimova heç bir rəsmi sənəd təqdim etməyib. “Bundan əlavə həmin ərazidən həm yeraltı, həm də yerüstü yüksək gərginlikli elektrik xətləri keçir. Bu isə həmin ərazinin təhlükəlilik riskini daha da artırır. Bakı Şəhər Dövlət Yol Polisi İdarəsinin əlində isə həmin ərazi ilə bağlı yalnız Bakı Şəhər İcra Hakimiyyətinin Memarlıq Baş İdarəsinin verdiyi rəydən başqa heç nə yoxdu”, – deyə mərkəz rəhbəri bildirib.

Həmçinin oxuyun

Fəxrəddin Manafov: “Ordumuzla fəxr edirəm”

“Düşünmürdüm ki, müharibə məni bu qədər sevindirəcək. Sevindirici haldır, çünki qədim, tarixi torpaqlarımızı geri qaytarırıq. …

Bir cavab yazın