Cümə axşamı , Dekabr 3 2020
Ana səhifə / Cəmiyyət / “Neftçi”də qarşıdurma – Sadıq Sadıqovla Çingiz Abdullayev arasında mübahisə

“Neftçi”də qarşıdurma – Sadıq Sadıqovla Çingiz Abdullayev arasında mübahisə

“Neftçi”də struktur və rəhbər dəyişikliyi olandan sonra yeni rəhbərliyin qəbul etdiyi qərarlardan biri klubun loqosunun yenilənməsinin müzakirəyə çıxarılması haqda oldu. Amma bu qərar birmənalı qarşılanmadı.

“Ağ-qaralar”ın loqosunun növbəti dəfə dəyişdirilməsi təşəbbüsü kəskin etirazlara səbəb oldu.

Komanda.az xəbər verir ki, loqonun dəyişdirilməsi haqda qərar qəbul edilərkən “Neftçi”nin Müşahidə Şurasının üzvləri arasında da qarşıdurma yaranıb. Əldə etdiyimiz məlumata görə, “Neftçi”nin sabiq prezidenti, hazırda Müşahidə Şurasının üzvü olan Sadıq Sadıqovla şuranın sədri Çingiz Abdullayev arasında mübahisə olub.

Sadıqov loqonun dəyişdirilməsi haqda ideyaya qarşı çıxaraq, bu fikri pisləyib. O, üzünü Çingiz Abdullayevə tutaraq “loqonu niyə dəyişirsiz, bu, nəyə lazımdı?” deyib. Keçmiş prezidentin etirazlarına baxmayaraq, şura üzvlərinin əksəriyyəti Abdullayevin təklifini dəstəkləyib.

Mətbuatın loqonun dəyişdirilməsinə kəskin etirazını görəndən sonra isə Çingiz Abdullayev bir qədər “yumşalmağa”, bu məsələnin sadəcə müzakirəyə çıxarıldığını deməyə məcbur olub.

“Neftçi” hazırki loqodan 2004-cü ildən istifadə edir. (Komanda.az)

Həmçinin oxuyun

“30 ildir çatladıq, Əliyevdən “vur” əmri, gəlincə rahatladıq…”

Azərbaycanın Qarabağda apardığı 44 günlük savaş ərzində qardaş Türkiyə dövləti və xalqı bu haqq savaşına …

Bir cavab yazın