Bazar ertəsi , May 27 2024
Ana səhifə / Cəmiyyət / Naxçıvan Nümayəndəliyi sabiq nazir və deputatın şirkətləri ilə müqavilə imzaladı

Naxçıvan Nümayəndəliyi sabiq nazir və deputatın şirkətləri ilə müqavilə imzaladı

Naxçıvan Muxtar Respublikasının Bakı Şəhərində Daimi Nümayəndəliyi  tender müsabiqəsi keçirmədən 2 şirkət – “İmprotex Motors” MMM (VÖEN – 1400064731) və “Cahan Motors” MMC (VÖEN – 0200259091) ilə satınalama müqavilələri imzalayıb.
 Müqavilələr bir mənbədən satınalama metodu əsasında imzalanıb.
Qeyd edək ki, nümayəndəlik nəqliyyat vasitələrinin təmiri üçün “İmprotex Motors”a 6 000 manat, “Cahan Motors”a isə 4 000 manat ödəyəcək.

Füzuli Ələkbərov

Məlumat üçün bildirək ki, BMW, “Rolls-Royce”, MINI və “Yamaha” kimi avtomobil markalarının Azərbaycanda rəsmi idxalçısı olan “İmprotex Motors” MMM 1997-ci ildə dövlət qeydiyyatına alınıb. Nizamnamə kapitalı 5 325 manat olan şirkətin qanuni təmsilçisi sabiq əmək və əhalinin sosial müdafiəsi naziri Füzuli Ələkbərovdur.

Vüqar Abbasov

“Opel” markalı avtomobillərin Azərbaycandakı rəsmi distribütoru olan “Cahan Motors” MMC 2006-cı ildə dövlət qeydiyyatına alınıb. Nizamnamə kapitalı 10 manat olan şirkətin qanuni təmsilçisi Axundov Adil Nadir oğludur. “Cahan Motors” MMC “Cahan Holdinq” şirkətlər qrupuna bağlıdır. Şirkətlər qrupunun rəhbəri Vüqar Abbasov ilə Naxçıvan Muxtar Respublikası Ali Məclisinin sabiq sədri Vasif Talıbovun ailə üzvləri arasında biznes əlaqələri və yaxın münasibətlər olub. “Cahan Holdinq” şirkətlər qrupunun prezidenti Vüqar Abbasov hazırda Naxçıvan Ali Məclisinin deputatıdır.

Yeniavaz.com

Həmçinin oxuyun

“Baxdım, yaxşı çəkilib” – Rasim Balayev “Alatava” haqda

Xalq artisti Rasim Balayev “Alatava” serialı ilə bağlı yeni açıqlamalar edib. O, ekran işini izlədiyini …