Ana səhifə / Cəmiyyət / Mehdi Səlimzadənin QOLLARI QANDALLANA BİLƏR…

Mehdi Səlimzadənin QOLLARI QANDALLANA BİLƏR…

Fevralın 28-də vəzifəsindən azad edilən Göyçayın icra başçısı Mehdi Səlimzadə həbs oluna bilər.

Bakupost.az -a daxil olan məlumata görə, Göyçay İcra Hakimiyyətində aparılan yoxlamalar zamanı üzə çıxan qanun pozuntuları Mehdi Səlimzadənin azadlıqdan məhrum edilməsi üçün kifayət qədər əsaslar yaradır.
Onun vəzifə səlahiyyətlərindən sui-istifadə etməsi və başqa qanunsuz əməllərinin ifşa olunduğu bildirilir.
Baş Prokuror yanında Korrupsiyaya qarşı Mübarizə Baş İdarəsi tərəfindən Göyçay Rayon İcra Hakimiyyətində yoxlamalar, ayrı-ayrı vəzifəli şəxslərin dindirilməsi, sonra Mehdi Səlimzadənin də istintaq cəlb edilməsi faktı da bunu göstərir.

Məlumat üçü bildirək ki, Mehdi Səlimzadə uzun illər müxtəlif vəzifələrdə çalışıb.
O, iri məmurlarla qohumluq əlaqəsi olan, bununla da “toxunulmazlıq statusu” qazanan şəxslərdən hesab olunub.
Lakin son illər Prezident İlham Əliyevin kadr islahatları, “təmizləmə əməliyyatı” “toxunulmaz şəxs” anlayışını tarixin arxivinə göndərib.
Ən “köklü-budaqlı” məmurları belə vəzifədən azad etmək, onları törətdikləri əmələ görə cavab verməyə məhkum etmək, korrupsiya ilə məşğul olan məmurları ən sərt şəkildə cəzalandırmaq faktlarına tez-tez rast gəlirik.
İlham Əliyev çıxışlarında qanunları pozan şəxslərin heç bir güzəşt edilmədən cəzalandırılacağını dəfələrlə bəyan edib. Hətta belə şəxslərin əvvəlki xidmətlərinin də nəzərə alınmayacağını bildirib.
Güman ki, M.Səlimzadəni də xidmətləri və iri məmurlara bağlılığı xilas etməyəcək.
Mehdi Səlimzadə 1996-2000-cı illərdə Milli Məclisin Yerli özünüidarəetmə məsələləri üzrə Daimi Komissiyasında ekspert, 2000-2003-cü illərdə Mərkəzi Seçki Komissiyasının üzvü, 2004-cü ildən Azərbaycan Bələdiyyə Qulluqçuları Həmkarlar İttifaqının təsis edilməsiylə bağlı yaradılan təşkilat qrupunun rəhbəri və komitənin ilk sədri, 2004-cü ildən Ədliyyə Nazirliyinin Bələdiyyələrlə İş mərkəzinin rəisi vəzifələrində çalışıb.
Azərbaycan Respublikası Prezidentinin 10 iyun 2016-cı il tarixli Sərəncamı ilə Göyçay Rayon İcra Hakimiyyətinin başçısı vəzifəsinə təyin edilib. 2022-ci il fevralın 28-də Prezident İlham Əliyevin Sərəncamı ilə vəzifəsindən azad edilib.

Həmçinin oxuyun

“Məhərrəmlikdə, mayda evlənməyənlərin uşağı şikəst olmur?” – Elşad Miri

“May ayında evlənənlərin uşaqlarının şikəst olacağı ilə bağlı xəbərlər tamamilə uydurmadır”. Bu sözləri ilahiyyatçı Elşad Miri Bakupost.az -a …