Mənsum İbrahimov Arif Babayevin yerinə təyin olundu

Xalq artisti Arif Babayev Azərbaycan Milli Konservatoriyasının Muğam kafedrasının müdiri vəzifəsindən azad olunub.

Buna səbəb xanəndənin səhhətindəki problemlər olub.

O, konservatoriyadakı fəaliyyətini professor kimi davam etdirəcək.

Kafedra müdiri vəzifəsinə isə Xalq artisti Mənsum İbrahimov təyin olunub. O qeyd edib ki, sentyabrın 5-dən vəzifəsini icra etməyə başlayıb: “Ötən gün Arif Babayevin evinə getdim, xeyir-duasını aldım”.

Qeyd edək ki, fevralda A.Babayevin 85 yaşı tamam olub.