Ötən həftə qəfildən – futbol oynayarkən stadionda ürək tutmasından vəfat edən İlqar Qulusoy dünyasını dəyişməsinin yeddinci günü həmin məkanda dostları, yaxınları tərəfindən anılıb.
Anım tədbirinə qatılan şəxslər İlqarla bağlı xatirələrini bölüşüblər, onun kimi pozitiv bir insanın anidən həyatdan köçməsini həmkarımızın “son qara zarafatı” kimi qiymətləndiriblər.
Daha sonra dostları, yaxınları İlqar Qulusoyun stadionda keçindiyi yerə qərənfillər düzərək, onun ruhuna dualar oxuyublar.
Ruhu şad olsun!
Qeyd edək ki, İlqar Qulusoy 1980-ci il avqustun 31-də anadan olub. 2001-ci ildən jurnalistika fəaliyyəti ilə məşğul olurdu, eyni zamanda şairdir.
Musavat.com