Ana səhifə / Cəmiyyət / İş adamı ilə Ədliyyə Nazirliyi arasında nə baş verir?

İş adamı ilə Ədliyyə Nazirliyi arasında nə baş verir?

“Tovuz Baltiya” MMC-nin sahibi Naiq Məmmədhəsənovla Ədliyyə Nazirliyinin Məhkəmə Ekspertiza Mərkəzi arasında qalmaqal yaşanır. 

Qaynarinfo-ya daxil olan məlumata görə, Naiq Məmmədhəsənov sözügedən Mərkəzin verdiyi rəylə razılaşmır. Bu baxımdan, qurumu məhkəməyə verib. 

Onun iddiasına Bakı İnzibati Məhkəməsində baxılacaq. Orxan Həsənov iş üzrə hakim təyin edilib. 

İşin detallarına gəlincə, Naiq Məmmədhəsənovun bir neçə bankla problemli var. Xüsusilə, ləğv prosesində olan “Zaminbank” Açıq Səhmdar Cəmiyyəti (ASC) ilə iş adamı arasında bir müddətdir ki, kredit müqaviləsinə dair qalmaqal yaşanır. İş adamı kredit borcunu bağlasa da, girovun azad edilməsi baş tutmayıb. 

Bu barədə mediada “Tovuz Baltiya” MMC-nin direktoru Rafik Tağıyevin müraciətləri dərc edilib. İş üzrə Ədliyyə Nazirliyinin Məhkəmə Ekspertiza Mərkəzinin verdiyi rəylər məhkəmə tərəfindən qəbul edilməyib. 

Əldə etdiyimiz məlumata görə, sonradan Mərkəz əvvəlki rəylərinin əksinə rəy verib. Bu isə iş adamının məhkəməyə müraciət etməsinə səbəb olub. 

Məlumat üçün deyək ki, iş adamı “Zaminbank” ASC-dən 3 milyon manat kredit götürüb. 

Həmçinin oxuyun

Zakir Həsənov azad edilmiş ərazilərlə bağlı göstərişlər verib

Müdafiə Nazirliyinin rəhbərliyi Hərbi Polis İdarəsinin yaranmasının 32-ci ildönümü münasibətilə Gəncə hərbi polis bölməsində keçirilən …