Cümə , Sentyabr 20 2019
Ana səhifə / Cəmiyyət / İradə Gülməmmədovadan daha bir jurnalistə jest – “… icazə verilsin”

İradə Gülməmmədovadan daha bir jurnalistə jest – “… icazə verilsin”

Məmur süründürməçiliyindən intihar həddinə çatan Rüfət Əhmədzadə nəhayət İradə Gülməmmədovanın qəbuluna düşə bilib.
Xəbər verdiyimiz kimi, jurnalist Rüfət Əhmədzadə son bir ayda məmur süründürməçiliyindən, “get-gəl”lərdən şikayətlənmiş və bu günlərdə yazdığı “Facebook” statusunda özünü Abşeron RİH-in qarşısında yandıracağını bildirmişdi.
Qanuni torpaq sahəsində ev tikintisinə icazə verilmədiyinə görə, intihar həddinə çatdığını, heç cür İ.Gülməmmədovanın qəbuluna buraxılmadığını deyən Rüfət Əhmədzadə aprelin 24-də Azinforum.az-la  yeni xəbər bölüşüb.

 

 

Foto – Rüfət Əhmədzadə

Jurnalist bildirib:

“Bu gün Abşeron RİH başçısı İradə Gülməmmədovanın qəbulunda oldum. İradə xanım bir-iki dəqiqə məni dinləyən kimi, sorğu-sualsız baş memar Akif Əliyevə tapşırdı ki, anamın adına olan torpaq sahəsində ev tikmək üçün icazə verilsin. Bir həftə sonra sənədimi alacağam, inşallah. Ogünkü intihar söhbətində emosiyalara qapılıb dostlarıma həyəcan verdiyimə görə, səmimi qəlbdən üzr istəyirəm. Gərginliyimi və düşdüyüm problemi qeyri-ciddi qəbul edənlərinsə canı sağolsun. Abşeron RİH-də başçının qəbuluna düşməyim üçün dəstək olan Seymur Qasımbəyliyə də minnətdaram”.
R.Əhmədzadə mətbuatda bu problemə biganə qalmayan həmkarlara, xüsusilə də onun problemini daima diqqətdə saxlayan Azinforum.az saytına xüsusi təşəkkürünü bildirib.

Qeyd edək ki, bir neçə gün bundan əvvəl, jurnalist Hacı Zeynalovun  evinin  əsassız yerə sökülməsinə də İardə Gülməmmədovanın şəxsi müdaxiləsindən sonra son qoyulub.

Rövşən Əli

Azinforum.az

Həmçinin oxuyun

“Mən indi qızımı atsam, onu məhv etmiş olaram”

Ötən gündən etibarən AXCP sədrinin müavini Fuad Qəhrəmanlının öz həyat yoldaşına və övladlarına qarşı fiziki …

Bir cavab yazın