Azinforum.az İnformasiya Portalı Onlayn Xəbər Portalı
Azinforum.az-ın əldə etdiyi məlumata görə, İnterAz telekanalının Milli Məclisdən reportajlar hazırlamasında problemlər yaranıb. Milli Məclisdə akreditasiya olunan digər jurnalistlər də bildirir ki, kanalın təmsil olunduğu media holdinqə aid olan digər KİV-lər də bir necə dəfədir ki, anoloji problemlərlə rastlaşır. Bəzi mənbələrin verdiyi məlumata görə, yaranan vəziyyətin kökündə sözügedən KİV-lərin Milli Məclisdə təmsilçiliklə bağlı olan akreditasiyasının ləğvi dayanır. Bildirilir ki, İnterAZ telekanalı anoloji problemlərlə digər mötəbər rəsmi qurumlarda da üzləşib. Hətta telekanalın əvvəlki qaydada olaraq, mühüm rəsmi tədbirlərə dəvət olunmadığı vurğulanır.
Azinforum.az yaranmış vəziyyəti aydınlaşdırmaq üçün Milli Məclis rəsmisi
Qərənfil Mansurova ilə əlaqə saaxlayıb. O, saytımıza bildirdi ki, sözügedən media holdinqə aid olan – SalamNews və İnterAZ -ın Milli Məclisə buraxılmaması akreditasiyanın ləğvi ilə bağlı deyil: “Hər il media qurumları akrediatasiya ilə bağlı bizə yenidən müraciət edir. Sözügedən media qurumları builki müraciətlərini gecikdirdiyi səbəbindən belə vəziyyət yaranıb”.
İnterAZ telekanalına etdiyimiz zəngə isə qəribə cavab verildi. Dəstəyi bir neçə nəfərə ötürdükdən sonra, nəhayət bir nəfər bu məlumatın həqiqətə uyğun olmadığını bildirdi. Ancaq maraqlıdır ki, dəfələrlə təkid etsək də, kim olduğunu bildirmədi.
Vidadi
Azinforum.az
