Cümə axşamı , May 23 2019
Ana səhifə / Cəmiyyət / İcra başçısının oğlu həbs olundu – Hakim ağır cəza verdi

İcra başçısının oğlu həbs olundu – Hakim ağır cəza verdi

Bu gün Bakı Ağır Cinayətlər Məhkəməsində ölümlə nəticələnən yol qəzası törətməkdə təqsirləndirilən İlham Ələsgərli və Süleyman Əhlimanovun cinayət işi üzrə məhkəmə prosesi yekunlaşıb.

Azinforum.az  xəbər verir ki, prosesdə çıxış edən İ. Əsgərli hadisə nəticəsində yaxın dostunu itirdiyini, peşman olduğunu deyib. S. Əhlimanov isə təqsirinin olmadığını deyib. Bundan sonra hakimlər hökmü elan etmək üçün müşavirəyə gediblər. Müşavirədən sonra hökm elan edilib. Hökmə əsasən, İ. Ələsgərli 5 il 6 ay , S. Əhlimanov 6 il müddətinə azadlıqdan məhrum edilib. Azadlıqda olan hər iki təqsirləndirilən şəxs məhkəmə zalında həbs ediliblər.

Qeyd edək ki, hadisə 2014-cü il sentyabrın 27-də baş verib. İ. Əsgərlinin idarə etdiyi “Mercedes” markalı avtomobil Ə. Qəhrəmanovun idarə etdiyi “Howo” markalı yük maşını ilə toqquşub. Qəza nəticəsində “Mercedes” markalı avtomobildə olan Sənan Mirzəyev dünyasını dəyişib.

Onu da qeyd edək ki, qəzada dünyasını dəyişən S.Mirzəyev “MCDonalds”ın Bakı nümayəndəliyinin rəhbəri Maqsud Mirzəyevin oğlu olub.

Təqsirləndirilən İlham Ələsgərli Səbail rayon İcra Hakimiyyətinin başçısı Asif Əsgərovun oğludur.

Həmçinin oxuyun

“Maksimum bal toplayanların sayında ciddi azalma var” – Ekspert

“Əvvəlki illərlə müqayisədə qəbul imtahanında maksimum bal toplayan abituriyentlərin sayında ciddi şəkildə azalma müşahidə olunur”. …

Bir cavab yazın