Cümə , Fevral 23 2024
Ana səhifə / Cəmiyyət / Emin Ağalarov Bakıda daha 2 yaşayış binası inşa edir

Emin Ağalarov Bakıda daha 2 yaşayış binası inşa edir

Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi “Nardaran İnvest” Məhdud Məsuliyyətli Cəmiyyətinə (MMC) Bakı şəhəri, Sabunçu rayonu, Mübariz İbrahimov küçəsi, 703 ünvanında 2 ədəd 2 mərtəbəli yaşayış binasının tikintisinə icazə verib.
Yeniavaz.com açıqlanan rəsmi məlumatlara istinadən bildirir ki, ümumi sahələri 7 min 54 kv. metr olacaq yaşayış binalarında 36 mənzil yer alacaq. Mənzillər 1, 2 və 3 otaqlı olacaqlar.

Məlumat üçün bildirək ki, bir neçə ay əvvəl də Dövlət Şəhərsalma və Arxitektura Komitəsi “Nardaran İnvest” MMC-yə Bakı şəhəri, Sabunçu rayonu, Nardaran qəsəbəsinin şimal hissəsi, “Sea Breeze” istirahət zonasının ərazisində ümumi sahəsi 13 min 365,86 kv. metr olacaq 8 mərtəbəli yaşayış binasının tikintisinə icazə verib. “Sea Breeze” istirahət zonasının ərazisində daha əvvəl də bir neçə 8 mərtəbəli yaşayış binası inşa olunub.
Qeyd edək ki, “Sea Breeze” yaşayış və istirahət kompleksi Azərbaycanın Xalq artisti Emin Ağalarova məxsusdur. Bu kompleksə villalar, mənzillər, otellər, həmçinin istirahət və əyləncə obyektləri daxildir.

Həmçinin oxuyun

“Xocalıya qayıdış” adlı sərgi təşkil edilib – İSBAM təşkilatçılığı ilə. (FOTOLAR)

İctimai Siyasi Proseslər Beynəlxalq Araşdırmalar Mərkəzinin İSBAM təşkilatçılığı ilə Xocalı soyqırımının 32-ci ildönümü ilə əlaqədar …