Çərşənbə axşamı , Avqust 9 2022
Ana səhifə / Cəmiyyət / Deputat “Komedixana”nı yıxdı-sürüdü: “Bayağı və təlxəklər…”

Deputat “Komedixana”nı yıxdı-sürüdü: “Bayağı və təlxəklər…”

“Təsadüfən Xəzər TV-nin “Komedixana” kimi urvatsız bir verilişinə baxdım. Bir məsələ məni düşündürdü: Görəsən bu verilişdə iştirak edənlərin heç olmasa kollec təhsili varmı? Bunlara komediya haqqında dərslər, aktyorluq dərsi, davranış dərsi keçilibmi?”.

Bunu millət vəkili Etibar Əliyev deyib. Onun sözlərinə görə, proqrama baxanda hiss edirsən ki, bunlar deyəsən televiziya rəhbərinin bayağı yumoru və davranışından başqa heç nə öyrənməyiblər:

“Yaxşı, onda hansı məqsədlə gənclərin tərbiyəsini pozursunuz. Onlara bayağı və təlxək davranışları təlqin edirsiniz? Bayağı hərəkətlər, duzsuz yumorlar, seçilmiş küçə mövzuları bunların yalnız özlərinə xoş gələ bilər. 

Vaxtilə televiziyalarda efirə gedən “Komediyalar aləminə səyahət” verilişini səbirsizliklə gözləyərdik. Ağ-qara göstərən televizorda yaddaşlarımızdan indi də silinməyən məzmunlu tamaşalara baxardıq. 

İndi plazma növlü televizorun komediyaları həmin ağ-qara göstərən televizorun bircə tamaşasına belə dəyməz. Hər şey aydındır: texnologia var, lakin teatr və aktyorluq təhsili, istedad və sənətə hörmət yoxdur…

Bir şeyi unutdum: məktəb dərnəkləri də yoxdur ki, istedadı vaxtından əvvəl üzə çıxarsın”.

Həmçinin oxuyun

“Onların bir daha “viloş-ziddoş qarşıdurması” müstəvəsində aşağılanmasına yol verməmək lazımdır”

Ya Hüseyn! Londonda bir qrup başıpozuğun Azərbaycan səfirliyinə basqın zamanı bayrağımıza qarşı etdikləri sayğısızlığa ən …