Çərşənbə axşamı , Oktyabr 27 2020
Ana səhifə / Cəmiyyət / Bu gün Cabbarova general rütbəsi verilə bilər

Bu gün Cabbarova general rütbəsi verilə bilər

Bu gün vergi xidməti işçilərinin peşə bayramıdır. Xatırladaq ki, Azərbaycan Respublikası Prezidentinin sərəncamı iıə hər il fevralın 11-i—Azərbaycan Respublikası Vergilər Nazirliyinin yaradıldığı gün vergi xidməti işçilərinin peşə bayramı günü kimi qeyd olunur.
Bununla bağlı prezident hər ii Vergilər Nazirliyinin əməkdaşlarının bir qismini fəxri adlarla, yeni rütbələrlə təltif edir.
Ona görə də Vergilər Nazirliyində baş verən böyük dəyişiklikdən sonra ilk peşə bayramlarını qeyd edən vergi əməkdaşları kimlərin təltif ediləcəyilə bağlı Prezidentin sərəncamlarını maraqla  gözləyirlər. Həm də yalnız vergi əməkdaşları deyil… Bu dəfə kimlərin təltif olunacağı geniş ictimaiyyətin də diqqət mərkəzindədir. Ən azı ona görə ki,  təltif olunanların yeni nazir Mikayıl Cabbarovun Vergilər Nazirliyində həyata keçirdiyi  kadr islahatları zamanı “vurulanlar” arasında olma ehtimalı azalacaq.

Əlbəttə, Vergilər Nazirliyində kimlərin yeni rütbələrlə və fəxri  adlarla təltif olunacağı prezidentin sərəncamlarından sonra məlun olacaq.  “AzPolitika.info”nun əldə etdiyi məlumata  görə, yeni vergilər naziri Mikayıl Cabbarov  da  yeni rütbə ilə təltif edilənlər arasında olacaq.

Məlum olduğu kimi, Mikayıl Cabbarov nazir təyin olunsa da, ona rütbə verilməmişdi. Halbuki, sabiq vergilər naziri Fazil Məmmədov I dərəcəli dövlət vergi xidməti müşaviri idi ki, bu da  general-polkovnik sayılır.

Hazırda Vergilər Nazirliyində rəhbər vəzifələrdə çalışanların əksəriyyəti general rütbəsi daşıyır. Buna görə də, Mikayıl Cabbarova da general rütbəsi verilməsi gözlənilir.

Qeyd edək ki, I dərəcəli dövlət vergi xidməti müşaviri  general-polkovnik, II  dərəcəli dövlət vergi xidməti müşaviri  general-leytenant, III dərəcəli dövlət vergi xidməti müşaviri  general-mayor sayılır.  Mikayıl Cabbarova veriləcək övlət vergi xidməti müşaviri dərəcəsi onun rütbəsini də müəyyən edəcək.\AzPolitika.info

Həmçinin oxuyun

İşğaldan azad edilən Vəng kəndinə yeni ad veriləcək

Bu gün Milli Məclisin plenar iclası keçiriləcək. “Azərbaycan Respublikasının Xocavənd rayonunun Vəng kəndinin Çinarlı kəndi …