Çərşənbə , Noyabr 29 2023
Ana səhifə / Cəmiyyət / Bu fotonu paylaşan məmur işdən çıxarıldı

Bu fotonu paylaşan məmur işdən çıxarıldı

Özünü buraxdığını elan edən separatçı rejimin simvolu kimi tanınan Xankəndidəki abidənin önünə Azərbaycan bayrağı asması ilə gündəmə gələn Azərbaycan Prezidentinin Qarabağ İqtisadi Regionu üzrə Xüsusi Nümayəndəliyinin baş məsləhətçisi Araz İmanov işdən çıxarılıb.
Bu barədə Bakupost məlumat yayıb.
Bildirilib ki, bu barədə qərar bir neçə gün əvvəl verilib.
Onun işdən çıxarılmasının məhz həmin hadisə ilə bağlı olub-olmadığı barədə rəsmi məlumat yoxdur.
Qeyd edək ki, A.İmanov sabiq deputat, AMEA-nın İqtisadiyyat İnstitutunun direktoru, professor Nazim İmanovun oğludur.
44 günlük II Qarabağ Müharibəsi dönəmində Araz İmanov sosial şəbəkələrdə ingilis dilindəki paylaşımları ilə aktivlik nümayiş etdirib.
Antiterror əməliyyatından sonra onun “Biz və bizim dağlar” abidəsi üzərində Azərbaycan bayrağı asıb foto paylaşması böyük marağa səbəb olmuşdu. Sonradan mediada A.İmnaovun bu hərəkətinin daşıdığı vəzifəyə uyğun olmadığı barədə yazılar dərc olunmuşdu.

Həmçinin oxuyun

“ATV məni yox, Polad Həşimovun xatirəsini təhqir edib” – Çingiz Abdullayev

Xalq yazıçısı Çingiz Abdullayevlə ATV telekanalı arasındakı ədavət davam edir. Yazıçı ATV rəhbərliyini general Polad …