Şənbə , Dekabr 15 2018
Ana səhifə / Cəmiyyət / BDU-nun filialında top mərmisi tapılıb

BDU-nun filialında top mərmisi tapılıb

BDU-nun Qazax filialının inzibati ərazisində top mərmisi tapılıb.
Ərazilərin Minalardan Təmizlənməsi üzrə Milli Agentlikdən (ANAMA) verilən məlumata görə, bu gün saat 12:52-də Agentliyə Bakı Dövlət Universitetinin Qazax filialının inzibati ərazisində 1 ədəd partlamamış hərbi sursatın tapılması barədə məlumatlar daxil olub.

Məlumatlara əsasən, Agentliyin xüsusi mobil çevik əməliyyat qrupu və Qazax rayon Polis şöbəsinin əməkdaşları dərhal həmin əraziyə göndərilib.

Agentliyin mütəxəssisləri və Daxili İşlər Nazirliyinin Qazax rayon Polis şöbəsinin əməkdaşları tərəfindən birlikdə yuxarıda adı qeyd olunmuş əraziyə baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 1 ədəd 76 mm-lik top mərmisi (BR-350) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Top mərmisinin tapıldığı yerin ətrafında 150 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

VIPedu.BIZ

Həmçinin oxuyun

Natiq Əliyevin nəvəsi Rusiyada birinci oldu (FOTO/VİDEO)

Mərhum energetika naziri Natiq Əliyevin oğlu Fərhad ƏliyevinSara Əliyeva ilə evliliyindən olan qızı Aliyə Rusiyada keçirilən “Во Весь Голос 2018” beynəlxalq …