Çərşənbə axşamı , Avqust 20 2019
Ana səhifə / Cəmiyyət / BDM sədri İrandakı səfirimizə müraciət etdi – “Aldadılaraq ölü vəziyyətinə salınan xəstənin Vətənə qayıtmasına kömək edin”

BDM sədri İrandakı səfirimizə müraciət etdi – “Aldadılaraq ölü vəziyyətinə salınan xəstənin Vətənə qayıtmasına kömək edin”

Beynəlxalq Diaspor Mərkəzinin sədri İsmayıl Ağayev Azərbaycan Respublikasının İran İslam Respublikasındakı fövqəladə və səlahiyyətli səfiri cənab Bünyad Hüseynova müraciət ünvanlayıb. Azinforum.az həmin müraciəti olduğu kimi təqdim edir:

” Hörmətli səfir!

Azərbaycan vətəndaşı İsmayılova Hürü Bayraməli qızı tibbi müayinə və müalicə məqsədilə 2017-ci ilin yanvar ayının 3-də yaxınları ilə birgə İran İslam Respublikasının Ərdəbil şəhərinə getmişdir. Ərdəbil Şəhər İmam Xomeyni adına xəstəxana tərəfindən xəstə İsmayılovadan müalicə məqsədilə 6000 AZN manat pul alınmış və müalicəsinə başlanılmışdır. Xəstənin xəstəxanada müalicəsinə başlanmasından 15 gün sonra bildirilib ki, müalicənin davam etdirilməsi üçün daha 7000 AZN manat vəsait köçürülməlidir. Xəstə yaxınları bildirir ki, əvvəlcədən 6000 AZN-ə xəstənin müalicə olunacağı deyilsə də, indi hal-hazırda boyunlarına götürdükləri müalicəni etməyərək, əksinə xəstənin xəstəxanadan çıxışı üçün 7000 AZN tələb olunmaqdadır. Qeyd edək ki, hal-hazırda xəstənin vəziyyəti çox ağırdır və onun hər an həyatını itirmək təhlükəsi var. Bu faktı onu müalicə edən həkimlər bildirib.

 

xes
Hörmətli səfir!

Yuxarıda qeyd olunduğu kimi Ərdəbil Şəhər İmam Xomeyni adına xəstəxanaya İsmayılovanın müalicəsi üçün 6000 AZN pulun müqabilində müalicəyə qəbul edildiyini, lakin indi yenidən 7000 AZN haqqsız olaraq tələb olunduğunu diqqətinizə bir daha çatdıraraq məsələnin tərəfinizdən araşdırılmasını və ağır vəziyyətdə olan İsmayılova Hürü Bayraməli qızının vətəninə geri qayıtmasına köməklik göstərməyinizi Sizdən xahiş edirəm.
Onu da qeyd etməyi özümə borc bilirəm ki, Azərbaycan vətəndaşlarının İran İslam Respublikasının xəstəxanalarında ayrı-ayrı vaxtlarda bu kimi anlaşılmaz durumlarla rastlaşması halları çoxalıb, bu bizi narahat etməkdədir. Razılaşdırılmış məbləğdən əlavə pul istənilməsi və vətəndaş İsmayılovanın sənədlərinin girov götürülməsi heç bir qanuna insani dəyərə sığmır”.

Azinforum.az

 

Həmçinin oxuyun

“Hansısa ərəb qadınlarımıza pis gözlə baxsa, igid oğlanlarımız onların gözünü deşər” – Deputat

“Kim nə bilir ki, küçədəki qadın əxlaqsızdı. Bəlkə kimisi geyinib hansısa əzizini gözləyir, ya da …

Bir cavab yazın