Bir neçə gündür ki, Beynəlxalq Diaspor Mərkəzi (BDM) Polşa və Çexiyada silsilə tədbirlər keçirir. Bu barədə məlumatı Azinforum.az-a BDM-in sədr müavini Samir Adıgözəlli verib. Qurum funksionerinin sözlərinə görə, sədr İsmayıl Ağayevlə onu bu səfərdə BDM-in mətbuat xidmətinin rəhbəri Könül Vaqifqızı da müşayiət edir:
“Biz hər iki ölkədə Azərbaycan və Dağlıq Qarabağ həqiqətlərinin çatdırılması ilə bağlı silsilə tədbirlər keçirdik. Həmin ölkələrinin bir neçə universitetində problemlərimizin tarixini əks etdirən xüsusi sərgilərimiz oldu. Həmçinin, Azərbaycan diasporunun həmin ölkələrdəki fəalları ilə də məhsuldar görüşlərimiz baş tutdu”.