Cümə axşamı , Noyabr 15 2018
Ana səhifə / Cəmiyyət / Bakıda sürücü və piyadalara qarşı reyd: 100-ə yaxın şəxs saxlanıldı – FOTOLAR

Bakıda sürücü və piyadalara qarşı reyd: 100-ə yaxın şəxs saxlanıldı – FOTOLAR

Baş Dövlət Yol Polisi və Bakı Şəhər Dövlət Yol Polisi idarələrinin əməkdaşları tərəfindən paytaxtın müxtəlif nöqtələrində dayanma-durma, eləcə də parklanma qaydalarını pozan sürücülərin və piyada keçidlərindən istifadə etməyən şəxslərin maarifləndirilməsi məqsədi ilə reydlər təşkil edilib.

Daxili İşlər Nazirliyinin Mətbuat xidmətindən virtualaz.org-a verilən məlumata görə, bir neçə metrostansiyası yaxınlığında keçirilən reydlərdə avtobus dayanacaqlarının zəbt edildiyi aşkarlanıb. Polis əməkdaşları həmin sürücülərə xəbərdarlıq edərək dayanacaqların boşaldılmasını təmin ediblər.

Bakı şəhərinin müxtəlif küçə və prospektlərində piyadaların təhlükəsizliyini təmin etmək, bu istiqamətdə maarifləndirmə işini gücləndirmək, vətəndaşlar arasında təbliğat işinin aparılması da tədbir zamanı yol polislərinin diqqət mərkəzində olub. Reyd zamanı metronun “İnşaatçılar”, “Gənclik” yaxınlığında, eləcə də Həsən Əliyev, Koroğlu Rəhimov küçələrində, Nərimanov rayonu ərazisində 100-ə yaxın piyada yol hərəkəti qaydalarını pozduqları üçün saxlanılıb. Onların hər biri ilə maarifləndirici söhbətlər aparılıb, yol hərəkəti haqqında qanunun tələbləri, piyadaların hüquq və vəzifələri barədə məlumatlar verilib.

Reyd zamanı keçidlərdən istifadə etməyən, əsasən ahıl yaşlı piyadaların yolu təhlükəsiz şəraitdə keçmələri polislər tərəfindən təmin olunub.

Əsaən maarifləndirmə və tərbiyəvi xarakter daşıyan reydlər bundan sonra da mütəmadi olaraq davam etdiriləcək.

VIPedu.BIZ

Həmçinin oxuyun

Bakıda atanın qızına göndərdiyi səs yazısı ortaya çıxdı – “SƏNƏ NİFRƏT EDİRƏM” – VİDEO

Ötən gün ATV telekanalında yayımlanan yayımlanan “Bizimləsən” verilişində maraqlı anlar yaşanıb. 25 ildir atasının axataran …