Bazar ertəsi , May 10 2021
Ana səhifə / Cəmiyyət / Bakıda prokuror və müavini yol hərəkəti qaydalarını kobud şəkildə pozdu – VİDEO

Bakıda prokuror və müavini yol hərəkəti qaydalarını kobud şəkildə pozdu – VİDEO

Yol hərəkəti təhlükəsizliyi üzrə ekspert Arzu Babazadə sosial şəbəkələrdə prokuror və prokuror müavininin yol hərəkəti qaydalarını pozması ilə bağlı video paylaşıb.

Videodan aydın olur ki, 90 AZ 674 nömrə-nişanlı avtomobil yolun əks istiqamətində gələrək dayanıb. Ekspert avtomobilin sürücüsünə qayda pozuntusu ilə bağlı irad bildirsə də, sürücü ona prokuror və prokuror müavinini gətirdiyini bildirərək vəziyyətdən çıxmağa çalışır. A.Babazadə görüntüləri müvafiq qurumlara təqdim edəcəyini bildirdikdən sonra sürücü avtomobilə əyləşir.


Pravda.az-ın məlumatına görə, qaydanı pozan avtomobil Nərimanov rayon Prokurorluğuna aiddir. Həmin vaxt avtomobil rayon prokuroru Hidayət Nurəlibəyov və onun müavini Elgiz Qənizadəni gətiribmiş. Görüntülərdən də aydın olduğu kimi, hüquq və qanun keşikçiləri özləri insanların həyatına təhlükə yaradaraq mənzil başına yolun əks istiqamətilə varıblar. Əslində, sürücünün cavabı da bu iki şəxsin qayda-qanunlara olan münasibətini özündə əks etdirir. Hər bir halda, prokuror və müavini özləri qayda-qanunlara riayət etsəydilər, əməkdaşları onların adlarını verməklə özünü haqlı çıxarmağa çalışmazdı.

Ekspert videonu lazımi yerlərə təqdim etdikdən sonra həmin avtomobil DYP əməkdaşları tərəfindən cərimə meydançasına aparılıb.

Həmçinin oxuyun

Deputat koronavirusun “çarə“sini tapdı: “Acqarnına inək sidiyi için“

Hindistanda COVID-ə qarşı “çarə” tapılıb. Yenisabah.az xəbər verir ki, “Haber Global”ın məlumatına görə, millət vəkili Surendra …