Şənbə , Mart 6 2021
Ana səhifə / Cəmiyyət / Bakıda həbs olunan silahlı ”razborşik” Hacı Madərin qohumu çıxdı

Bakıda həbs olunan silahlı ”razborşik” Hacı Madərin qohumu çıxdı

Bir neçə gün əvvəl Bakıda silahla həbs olunan şəxslə bağlı maraqlı təfərrüatlar ortaya çıxıb. Criminal.az-a verilən məlumata görə, paytaxtda silahla gəzən gənc deputatın qohumudur.

Həbs olunan şəxs Tural Əlikram oğlu Haqverdiyevdir. Onu bir neçə gün əvvəl Nərimanov rayon Polis İdarəsinin 17-ci polis bölməsi əməkdaşları tutub. “Volkswagen” markalı avtomobilinə baxış zamanı nömrəsi silinmiş “Makarov” tipli tapança və 4 ədəd patron, habelə cibindən 1 ədəd bıçaq aşkar edilərək götürülüb.

Nərimanov rayon Polis İdarəsindən Criminal.az-a verilən məlumata görə, Tural Haqverdiyev millət vəkili Madər Musayevin bacısı nəvəsidir. O, saxlanılan zaman polis əməkdaşlarına da müqavimət göstərib, onları yumruqla vurub.

T.Haqverdiyevin barəsində cinayət işi başlanıb. O, hazırda Şüvəlnda yerləşən istintaq təcridxanasında saxlanılır.

T.Haqverdiyevin kriminal aləmə yaxın olduğu deyilir. Tez-tez mübahisəli söhbətlərin həllində iştirak edir.

Həmçinin oxuyun

Azərbaycanda qonaq evləri şəbəkəsi yaradılacaq

“Azərbaycanda böyük və kiçik həcmli qonaq evlərinə dəstəklə bağlı layihənin həyata keçirilməsi nəzərdə tutulur”.Report xəbər …

Bir cavab yazın