Cümə , Dekabr 4 2020
Ana səhifə / Cəmiyyət / AzTV-də yeni layihə: 20 Yanvar qırğını dənizçilərin şahidliyi ilə

AzTV-də yeni layihə: 20 Yanvar qırğını dənizçilərin şahidliyi ilə

“Azərbaycan Televiziya və Radio Verilişləri” (AzTV) Qapalı Səhmdar Cəmiyyətinin (QSC) Bədii və sənədli filmlər studiyası 1990-cı il SSRİ hərbi birləşmələrinin Bakıda törətdiyo qırğınla bağlı “Bir dəniz hünər” adlı sənədli film çəkib.

Sənədli filmin ana xəttini Xəzər Dəniz Neft Donanması dənizçilərinin 1990-cı il 20-22 yanvar tarixlərində Sovet hərbi-siyasi rəhbərliyinin Azərbaycan xalqına qarşı apardığı cəza əməliyyatına etiraz edərək Bakı buxtasını sovet hərbi gəmilərinin üzünə bağlaması təşkil edir.

Ekran əsərinin ssenari müəllifi Seymur Şahbazov, rejissoru Anaxanım Abdullayevadır. Studiyanın rəhbəri isə Xalq artisti Ramiz Həsənoğludur.

Film ilk  olaraq ekrana 20 yanvar tarixdə saat 21:00-da AzTV-də çıxacaq.

Xatırladaq ki, bu il 20 Yanvar faciəsinin 30-cu ildönümüdür.

Həmçinin oxuyun

Şuşanın işğaldan azad edilməsi xəbərini Prezidentə məruzə edən Lerikli

44 günlük Vətən müharibəsi neçə-neçə qəhrəmanı bizlərə tanıtdı, sevdirdi. Onlardan biri-Şuşanın azad edilməsi barədə Ali …