Bazar ertəsi , Oktyabr 26 2020
Ana səhifə / Cəmiyyət / “Azərışıq”da mühüm dəyişiklik – Baba Rzayev Satış Departamentinin direktorunu işdən çıxardı

“Azərışıq”da mühüm dəyişiklik – Baba Rzayev Satış Departamentinin direktorunu işdən çıxardı

“Azərışıq” ASC-də kadr dəyişiklyi baş verib.

Bu barədə mia.az-a daxil olan məlumata görə, “Azərışıq” ASC-nin Enerji Satış Departamentinin direktoru Qara Nəbiyev işdən kənarlaşdırılıb.

Məlumatda qeyd olunur ki, ASC sədri Baba Rzayevlə departament direktoru arasında mübahisə düşüb. Nəticədə sədr direktoru işdən azad edib.

Məsələylə bağlı mia.az-a açıqlama verən”Azərışıq” ASC-nin ictimaiyyətlə əlaqələr şöbəsinin müdiri Tanrıverdi Mustafayev bu barədə məlumatsız olduğunu bildirib:

“Bu gün kollegiya olub, amma Qara Nəbiyev iclasda iştirak etməyib. Mən bildiyimə görə, məzuniyyətə çıxıb. Onu deyə bilərm ki, onun işdən çıxarılması ilə bağlı əmr yoxdur”.

Qurumun adının çəkilməsini istəməyən əməkdaşının verdiyi məlumata görə isə Qara Nəbiyev ötən həftə işdən kənarlaşdırılıb və artıq neçə gündür ki, işə çıxmır.

Həmçinin oxuyun

Hikmət Hacıyev: “Nur içində yat, Dmitri!” – FOTO

“Azərbaycanın igid oğlu – əsgər Solnsev Dmitri Aleksandroviç torpaqlarımızın Ermənistan işğalından azad edilməsi uğrunda gedən …

Bir cavab yazın