Bazar ertəsi , Avqust 2 2021
Ana səhifə / Cəmiyyət / AXCP üzvü karantin rejimini pozduğu üçün saxlanılıb – RƏSMİ

AXCP üzvü karantin rejimini pozduğu üçün saxlanılıb – RƏSMİ

Daxili İşlər Nazirliyi (DİN) sosial şəbəkələrdə AXCP funksionerlərinin partiyanın üzvü Baba Süleymanovun qanunsuz həbs edilməsi ilə bağlı yaydığı məlumatlara münasibət bildirib.

DİN-in Mətbuat Xidmətindən “Report”a bildirilib ki, burada qanunsuz həbs barədə səslənən iddialar tamamilə əsassızdır və qərəzdən irəli gələn bir dezinformasiyadır.

“Bakı şəhər sakini Süleymanov Baba tətbiq edilmiş xüsusi karantin rejimini pozduğu üçün saxlanılıb, barəsində toplanmış materiallarla birlikdə məhkəməyə təqdim olunub və məhkəmənin hökmü ilə inzibati qaydada həbs olunub. Yeri gəlmişkən qeyd edək ki, xüsusi karantin rejimini pozduqlarına görə təkcə mart ayı ərzində 160 nəfərdən çox şəxs inzibati qaydada həbs edilib. AXCP üzvünün qanunsuz həbs edilməsi iddiasına gəldikdə isə qeyd olunmalıdır ki, əqidəsindən, siyasi partiyalara, ictimai birliklərə mənsubiyyətindən asılı olmayaraq cinayət, yaxud inzibati xəta törətmiş istənilən şəxs qanun qarşısında bərabədir və yol verdiyi hüquqazidd əmələ görə də cavabdehlik daşıyır” – Mətbuat Xidmətindən bildirilib.

Həmçinin oxuyun

Rasim Balayev Kino Günündən danışdı: “Köhnə sənətkarlar öldü, yeniləri yetişmədi“

Bu gün Azərbaycan kinosunun yarandığı gündür. Ümummilli lider Heydər Əliyevin 2000-ci il 18 dekabr tarixli …