Cümə , Dekabr 4 2020
Ana səhifə / Cəmiyyət / ABŞ-da erməni-türk davası, azərbaycanlı həbs edildi

ABŞ-da erməni-türk davası, azərbaycanlı həbs edildi

Türkiyənin Vaşinqtondakı səfirliyinin binası yaxınlığında ermənilərlə türklər arasında toqquşmalar olub.

Virtualaz.org saytı Türkiyə KİV-lərinə istinadən xəbər verir ki, səfirliyin binası önündə iki aksiya keçirilib. Onlardan birini ermənilər, digərini türklər təşkil edib.

Ermənilər aksiya zamanı şüarlar səsləndirərək “erməni genosidi”ni tanımağa çağırışlar ediblər. Türklər isə cavab olaraq bəyan ediblər ki, ermənilər özlərinin “soyqırımı”na məruz qaldıqlarını özlərindən uydurublar.

Bu məqamda Türkiyə səfirliyinin binasının yaxınlığına üstünə Türkiyə bayrağı asılmış maşın yaxınlaşıb. Ermənilər maşına hücum edərək bayrağı oradan götürüb cırmağa çalışıblar. Maşının sahibi isə Azərbaycan vətəndaşı olub. O, ermənilərin hücumuna müqavimət göstərərək onlarla əlbəyaxa davaya çıxıb.

Bunu görən türklər azərbaycanlıya kömək etməyə tələsiblər. Nəticədə böyük toqquşmalar başlayıb. Hadisə yerinə polis dava edənləri ayırıb və aksiyanı dağıdıb.

Bir neçə nəfər, o cümlədən maşının sahibi olan həmin Azərbaycan vətəndaşı polis tərəfindən həbs edilib. Azərbaycan vətəndaşının ad-soyadı barədə məlumat verilmir.

 

Həmçinin oxuyun

Şuşanın işğaldan azad edilməsi xəbərini Prezidentə məruzə edən Lerikli

44 günlük Vətən müharibəsi neçə-neçə qəhrəmanı bizlərə tanıtdı, sevdirdi. Onlardan biri-Şuşanın azad edilməsi barədə Ali …

Bir cavab yazın