Çərşənbə , Oktyabr 28 2020
Ana səhifə / Cəmiyyət / “36 manat Əli Həsənovun heç 1 saniyəlik xərci deyil” – Komitə sədrinə ittiham

“36 manat Əli Həsənovun heç 1 saniyəlik xərci deyil” – Komitə sədrinə ittiham

“Bəzi məcburi köçkünlərə verilən müavinətlərin dayandırılmasını ədalətli qərar hesab etmirəm”.

Bu sözləri bəzi məcburi köçkünlərə verilən müavinətin dayandırılmasına münasibət bildirən Müasir Müsavat Partiyasının sədri Hafiz Hacıyev pia.az-a açıqlamasında qeyd edib.

Qaçqınların və Məcburi Köçkünlərin İşləri üzrə Dövlət Komitəsi tərəfindən məcburi köçkün rayonlarının icra hakimiyyətlərinə bəzi məcburi köçkünlərə verilən müavinətlərin dayandırılmasını ilə bağlı təlimat göndərilib. Təlimata əsasən, adına torpaq, ev olan və həmçinin, dövlət qulluğunda çalışan məcburi köçkünlər dövlətdən müavinət ala bilməyəcək. Bununla yanaşı, təlimata adına ev, torpaq olan məcburi köçkünlərin siyahısı da əlavə edilib. Eyni zamanda prezidentin sərəncamı ilə məcburi köçkünlər üçün 36 manat məbləğində vahid aylıq müavinət nəzərdə tutulub.

Qeyd: Aylıq müavinət verilməyəcək məcburi köçkünlərin statusları və qaydalar ilə BURADAN tanış ola bilərsiniz.
hafiz-haciyev-yeni.jpg (439×336)
Mövzu ilə bağlı pia.az-ın əməkdaşı Müasir Müsavat Partiyasının sədri Hafiz Hacıyevin fikirlərini öyrənib. Bəzi məcburi köçkünlərin müavinətinin dayandırılmasını doğru addım hesab etməyən Müasir Müsavat Partiyasının sədri Hafiz Hacıyevə görə, nəzərdə tutulan 36 manatlıq aylıq müavinətin verilməsi də ədalətsizlikdir:

“Məcburi köçkünlərin müavinətini kəsmək günahdır. Görünür, bu təlimatı verən şəxslər prezidentə düzgün məlumat vermirlər. Fikrimcə, burada hansısa məkrli əllər işə düşüb. Müavinətlər məsələsində çox ehtiyatlı olmaq lazımdır. Müavinətlərin dayandırılması bizim məcburi köçkün qardaşlarımız və bacılarımız üçün çox ağır ola bilər. Bilirsiniz, gərək qaçqınların rəhbəri qaçqınlardan olsun. Yoxsa ki, Əli Həsənov qaçqının dərdini nə bilir?! Qaçqın olmayan insanlara qaçqınlar şəhərciyində ev verilir. Orada qaçqın rayonlarından olan hər bir polisin, prokurorun evi var, hər icra başçısının qohumlarına ev verilib.

Bizim özümüz də vaxtilə qaçqın olmuşuq. Ermənistandan gələn qaçqınların hamısı qaçqınlıq statusundan çıxarıldı. Bunun özü də böyük qəbahət idi. İstərdim ki, bu sahəyə baxan məmur heç olmasa özünün yığdığı pullardan 10%-ni dövlətin bu ağır günündə xərcləsin. “Qaçqınkom”un sədri Əli Həsənov neçə illərdir bu sahəyə rəhbərlik edir və mənimsədiyi pullarla indi milyarder olub. Ancaq vaxt var idi ki, keçmiş Moskva hotelində Azərbaycan Milli İstiqlal Partiyasında(AMİP) deputat olmuş rəhmətlik Şadman Hüseyn və baş prokuroru danlayırdı ki, siz niyə Heydər Əliyevi müdafiə edirsiniz? Eyni zamanda Sumqayıtın keçmiş icra başçısı Eldar Əzizova Azərbaycanı təbliğ etdiyinə görə ünvanına xoşagəlməz sözlər deyirdilər.

İndiki zamanda da prezidentin ciddi kadr dəyişiklikləri edəcəyini görürlər. Əli Həsənovun bu yaxınlarda hakimiyyətdən getməsi məsələsi gündəmdədir. Bununla bağlı çox ciddi yoxlamalar başlayacaq. Bir dəfə Əli Həsənovun nəvələrinin maşınlarını göstərmişdilər. Dəyəri milyonlarla, milyardla ölçülürdü. Bu gün bizə verilən məlumata görə, Əli Həsənovun var-dövlətinin məbləği 2 milyarda yaxındır. O, bu 2 milyardı hardan alıb?! O pullar qaçqınlarımızın, məcburi köçkünlərimizin hesabına yığılıb. Ona görə də hesab edirəm ki, indiki siyasət düzəldilməlidir.

Keçən həftə bizim partiyamızın məcburi köçkün rayonlarının sədrləri ilə böyük müşavirəsi oldu. Biz müşavirədə də bu məsələləri qeyd etmişik. Biz oda tapşırıq verdik ki, xalqın qalxan əsəblərini sakitləşdirmək üçün müəyyən addımlar atılsın, təsəlliverici ideoloji iş aparılsın. Müşavirədəki məcburi köçkünlər deyirlər ki, burda heç qapısı açılmamış evlər var. Bəzən hörmətli Əli müəllim mənim düz danışmadığıma dair fikirlər səsləndirir. Mən mənə verilən məlumatı səsləndirirəm. Və verilən məlumatı yoxladıqda həqiqətən görürəm ki, qaçqın və məcburi köçkünlərimizin vəziyyəti həqiqətən yaxşı deyil.

Müavinətlərin dayandırılmasına gəlincə, bəzi məcburi köçkünlərə verilən müavinətlərin dayandırılmasını ədalətli qərar hesab etmirəm. 36 manatla nə etmək olar?! Əli Həsənov deyir bir ailənin dörd üzvü varsa, bu 144 manat edir. Bu 144 manat nə puldur ki?! Əli Həsənovun özü 36 manatla dolana bilərmi?! Ayda 144 manat müavinətlə kommunal xərcləri ödəyə bilərmi? Ödəyə bilməz. Prezidentin məcburi köçkünlər üçün ayırdığı pulu “Qaçqınkom” yeyir. 36 manat Əli Həsənovun heç 1 saniyəlik xərci deyil”.

Həmçinin oxuyun

Bu gün Türkiyədə Polad Həşimov parkı açılacaq

Bu gün Türkiyənin Bursa vilayətində Polad Həşimov parkının açılışı olacaq. Şəhid generalın xatirəsi Türkiyədə əbədiləşdirilib. …

Bir cavab yazın