Putin arvadından danışdı: “Münasibətimiz yaxşıdı”

Musavat.com xarici qaynağa istinadən xəbər verir ki, Putin bəzən gecə saat 2-dək yatmadığını və ailəsi ilə ən xırda detallar haqda danışdığını deyib.

Kreml başçısı keçmiş arvadı Lyudmila və qızları Mariya və Yekaterina ilə yaxşı münasibətlərdə olduğunu da söyləyib. Şəxsi planlarından söz açan Putin deyib: “Mənim gələcək üçün planlarım var. Ancaq mən qaydasındayam”.

Xatırladaq ki, Vladimir Putin Lyudmiladan rəsmən ayrıldığı haqda 2013-cü ilin iyununda bəyan edib. Onlar təxminən 30 il nikahda olublar. İki qızları var. O zaman Vladimir və Lyudmila bildirmişdilər ki, dost kimi qalmaq istəyirlər.

Etiraflarına görə, onlar bir müddətdir artıq bir yerdə yaşamırlar və dostluq münasibətlərini saxlayırlar.