Çərşənbə axşamı , İyul 16 2019
Ana səhifə / Cəmiyyət / “Ərdoğan çevriliş cəhdinin olacağını öncədən bilirmiş…” – EKSPERT

“Ərdoğan çevriliş cəhdinin olacağını öncədən bilirmiş…” – EKSPERT

Qardaş Türkiyədəki 200-ə yaxın insanın ölümü ilə nəticələnmiş son dəhşətli olaylar Azərbaycanda da qəlbində islam, türk sevgisi olan hər kəsi yasa batırdı. Əlbəttə, Türkiyə dövlətçiliyinin taleyi çox önəmlidir. Şükürlər olsun ki, daha kütləvi qırğınların və bununla ölkəni bütövlükdə xaosa bürünməsinin qarşısı alındı.

Rəsmi olaraq “dövlət çevrilişinə cəhd kimi” dəyərləndirilən 16 iyul Türkiyə olayları barədə müxtəlif versiyalar səsləndirilir. Daha çox eşidilən hərbi dərbənin ABŞ-ın Pensilvaniya ştatında yaşayan “Amerika Mərkəzi Kəşfiyyat İdarəsinin agenti” “İslam” qılaflı mason” adlandırılan Fətullah Gülən tərəfindən yönləndirilməsi barədə Türkiyə rəsmilərinin də səsləndirdiyi fikirlərdir. Aşağılarda bu fikri dəstəkləyən daha çox, hazırkı dövlət başçısı R.T.Ərdoğanın tərəfdarlarıdır. İkinci versiya ABŞ və Avropada “xaosdan düzənə” prinsipi ilə hərəkət edən güclərin gerçəkdən Türkiyəni ardıcıl, kütləvi teraktlar və dövlət çevrilişləri seriyası ilə qonşu Suriya və İraq kimi vətəndaş savaşına sürükləməklə bu ölkəni də “İŞİD”-ın caynağına vermək istəyənlərin varlığını ortaya qoyur. Amma Türkiyənin özündə, eləcə də Azərbaycanda Ərdoğan başda olmaqla AKP-nin özünün bir “İsrail-ABŞ modeli” olduğunu hesab edənlər də var. Belələri heç də Türkiyədəki son hadisələrin çevrilişə cəhd yox, Ərdoğanın növbəti imitasiyası və şousu olduğunu hesab edir. Adının çəkilməsini istəməyən azərbaycanlı ekspert-konspiroloq moderator.az-a açıqlamasında çox maraqlı iddialarla çıxış etdi.

Onun fikrincə, “çevriliş cəhdi”nin təşkilatçısı prezident Ərdoğan özüdür… “Ən yaxşı halda Ərdoğan çevrilişə cəhd olacağını bilirmiş, amma özü bilərəkdən təşkilatçıları durdurmayıb. Çünki son olaylar onun xeyrinə oldu. Yəni bu, növbəti dəfə prezidentə ordu ilə yanaşı, siyasi meydandakı düşmən və rəqiblərini zərərsizləşdirmək imkanı verir, onun əl-qolunu açır. Və ən başlıcası, bu “dərbə” ilə tarixən Atatürkçü parlamentli respublika idarəçiliyinin tərəfdarı olan Türkiyə ordusu ölkədə və xaricdə kəskin şəkildə nüfuzdan düşdü. Beləliklə, dünyəvi dövlət tərəfdarlarının hakimiyyəti ələ keçirmək üçün mümkün cəhdlərinin qarşısı alındı… Tarixdə diktatorlar hakimiyyətlərini qorumaq üçün oxşar yollara əl atıblar. Əmir Teymur bir neçə dəfə özünün guya ölməsi barədə şayiələr yaydırmaqla daxildəki düşmənlərinin qiyama qalxmasına şərait yaratmış və onları dərhal məhv etdirmişdi… ”

Məxfi ekspert dediklərinə sübut kimi aşağıdakı arqumentləri irəli sürür:

“…1. Türkiyədəki son “inqilabın” lideri yox idi. Heç kəs hadisə ilə bağlı məsuliyyəti üzərinə götürmədi…

2. Ərdoğana daha çox nifrət edən “PKK” meyilli kürdlər proseslərdə iştirak etmədi. Görünür, onların özləri baş verənlərdən başlarını itiriblər. Amma məntiqlə HDP və “PKK” tərəfdarları hamıdan öncə hərbçilərin müttəfiqləri olmalı idilər.

3. Gecə saat 1-də heç bir kəsin olmadığı parlament binasını bombalamağın nə mənası var idi? Bu da sadəcə, şounun bir tərkib hissəsi idi…

4. İnsanların tankla vəhşicəsinə əzilməsi ilə bağlı bir epizodu çıxmaq şərti ilə hərbçilər kütlələrə ciddi müqavimət göstərmədi və asanlıqla əllərindəki neçə tankı təslim etdilər. Sonda isə sadəcə, silahları təhvil verdilər. Yeri gəlmişkən, hərbçilərin əksəriyyətinə heç bir cəza verilməyəcək. Məhz buna görə, “inqilab” üçün əsgərləri seçiblər…

5. Məntiqlə çevrilişçilər öncə Ərdoğanın özünü aradan götürməli idilər.. Amma prezidentin o gecə qaldığı “Marmaris” oteli özü ordan çıxandan sonra atəşə tutulub. Onun təyyarəsinə də hücum etmədilər. Sərbəst olaraq ora-bura uçmasına imkan verdilər…

6. Ərdoğan bir “əsl qəhrəman” kimi hava limanında xalq kütlələlərinin qarşısına çıxdı. Halbuki, həmin vaxt bütün İstanbul avia-hücum, partlayış, cana sui-qəsd təhlükəsi altında idi…

7.Ərdoğanın guya İstanbula enə bilməməsi səbəbindən Almaniyadan sığınacaq istədiyi, hətta təyyarəsinin Britaniyaya doğru yol alması barədə məlumatlar yayıldı. Nə üçün? Fikri əsl gerçəkdən yayındırmaq, çevriliş cəhdinin gerçəkliyinə inandırmaq üçün…

8. NATO işə qarışmadı. Halbuki bu olmalı idi. Eləcə də Ərdoğana NATO-dan olan məsləhətçiləri də yardım etmədilər…

9. Yunanıstanın guya hərbi təyyarələrini havaya qaldırması haqda xəbərlər yayıldı. Nə üçün? Quzey Kipri geri almaq üçün? Hər şey diqqəti yayındırmaq üçündü. Guya heç kəs heç nə bilmir, hər kəs şokdadı. Hətta Yunanıstan da başını itirib…”

Ekspert sözünü Türkiyədəki son qurban və şəhidlərə başsağlığı diləməklə bitirdi:

“Əlbəttə, əsl həqiqəti Allah və dəhşətli və kütləvi insan qətlləri ilə nəticələnmiş bu olayların gerçək təşkilatçıları bilir. Bütün hallarda sadə türk xalqı, sıravi türk və eləcə də hərbçilərin böyük əksəriyyəti zorakılıq edən böyük bir qrupun qarşının alınmasında fədakarlıq və qəhrəmanlıq göstərdi. Buna kölgə salmaq olmaz. Allah qurban və şəhidlərə rəhmət etsin, yaralılara şəfa versin!..”

Həmçinin oxuyun

Aqşin Yenisey Elşad Mirini RİYAKARLIQDA İTTİHAM ETDİ — “Öz övladınızı ABŞ-a oxumağa göndərib…” – FOTO

Tanınmış şair Aqşin Yenisey sosial şəbəkədə yazdığı statusda ilhaiyyatçı Elşad Mirini gəncləri yanlış yönəltməkdə ittiham …

Bir cavab yazın