Şənbə , Yanvar 16 2021
Ana səhifə / Cəmiyyət / Əhəd Abıyev yayılan mülklərinin siyahısından DANIŞDI

Əhəd Abıyev yayılan mülklərinin siyahısından DANIŞDI

Daşkəsən rayon İcra Hakimiyyətinin başçısı Əhəd Abıyev ötən gün onun haqqında saytımızda dərc olunmuş “Daha bir icra başçısının ağlasığmaz sərvəti ortaya çıxdı — ŞOK SİYAHI” (http://demokrat.az/news/40570) başlıqlı yazıya bu dəfə özü münasibət bildirib. 


Məsələ ilə bağlı “Yeni Müsavat”ın suallarını cavablandıran Ə.Abıyev yayılan məlumatların məqsədyönlü xarakter daşıdığını deyib:

“Mən 2011-ci ildən bütün günü Daşkəsəndəyəm, rayondan nə vaxt çıxdım ki, gedib Masallıda o qədər mal-mülk ala bildim? Mənim o qədər vaxtım hardadır? Buna görə də mən Baş Prokurora, Dövlət Təhlükəsizlik Xidmətinin rəisi Əli Nağıyevə müraciət etmişəm. Onların hansı addımlar atacağını gözləyirəm”.

İcra başçısının sözlərinə görə, Daşkəsəndə işinin başındadır, bütün günü rayonun təsərrüfat işləri ilə məşğuldur:

“Bunların hamısı Çoban Akifin, Hacı Mazanın işidir. Çoban Akif bizdən camaatın 300 hektar torpağını istəyib, verməmişik. Bundan əvvəl 360 hektar ərazini zəbt edib. İkinci dəfə imkan vermədik, indi əvəzini çıxmaq üçün haqqımda belə böhtan, uydurma yayır”.

Həmçinin oxuyun

Azərbaycanın adı təhlükəli ölkələr siyahısından çıxarıldı

Ukrayna Azərbaycanı koronavirus pandemiyasının daha geniş yayıldığı “qırmızı zona” siyahısından çıxarıb. Bu barədə Ukraynanın Səhiyyə …