Cümə , Avqust 14 2020
Ana səhifə / Cəbhə Xəbərləri / Şəhid general-mayor Polad Həşimovla vida mərasimi keçirilib – FOTO

Şəhid general-mayor Polad Həşimovla vida mərasimi keçirilib – FOTO

İyulun 13-dən 14-ə keçən gecə Azərbaycan-Ermənistan dövlət sərhədinin Tovuz istiqamətindəki mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərən düşmənlə şiddətli döyüşlər zamanı şəhid olan Azərbaycan Ordusunun general-mayoru, 1975-ci il təvəllüdlü Polad Həşimovun nəşi dünən doğulduğu Qəbələ rayonuna gətirilib.

Şəhidin cənazəsi ata ocağında böyük coşqu ilə qarşılanıb.

Cənazə namazının qılınması mərasimində minlərlə adam toplaşıb. Mərasimdə Müdafiə Nazirliyinin nümayəndələri, rayon icra hakimiyyətinin rəhbərliyi, hərbçilər, ehtiyatda olan zabitlər və rayon ictimaiyyəti iştirak edib. Müdafiə Nazirliyinin mətbuat xidmətinin rəhbəri, polkovnik Vaqif Dərgahlı, şəhidin hərbçi yoldaşları çıxış edərək, onun 1992-ci ildən bəri keçdiyi şərəfli döyüş yolundan, göstərdiyi qəhrəmanlıqlardan danışıblar. Çıxışlarda P.Həşimovun döyüş yolunun gənclərə nümunə olduğu diqqətə çatdırılıb. Vurğulanıb ki, Vətən uğrunda şəhid olanların xatirəsi heç vaxt unudulmur və daim əziz tutulur.

Generalın ailə üzvləri adından çıxış edən qardaşı İlham Həşimov və oğlu Davud Həşimov şəhidlə bağlı xatirələrini bölüşüb.

Sonra şəhid generalın cənazəsi Azərbaycan bayrağı altında, böyük insan izdihamı ilə “Şəhidlər ölməz, Vətən bölünməz” şüarı ilə Qəbələdən Bakıya yola salınıb.

Şəhid Polad Həşimovun nəşi bu gün doğulduğu və yaşadığı Sumqayıtda torpağa tapşırılıb.

Həmçinin oxuyun

Mövqelərimiz iriçaplı pulemyotlardan atəşə tutuldu

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs …